باتىس قازاقستان وبلىسىندا جولاۋشىلار كٸشكەنتاي بالامەن بٸرگە قار قۇرساۋىندا قالدى, دەپ حابارلايدى "ۇلت اقپارات".
بقو تج دەپارتامەنتٸنٸڭ باسپاسٶز قىزمەتٸ مەلٸم ەتكەنٸندەي, وقيعا 23 اقپان كٷنٸ ورال-ساراتوۆ جولى ماڭى, بەيتەرەك اۋدانى زەلەنىي اۋىلى تۇسىندا بولدى.
ساعات 14.52-دە «نيسسان» اۆتوكٶلٸگٸنٸڭ قار قۇرساۋىندا كەپتەلٸپ قالعانى جٶنٸندە حابار تٷستٸ.
شاقىرتۋ ورنىنا جەدەل جەتكەن قۇتقارۋشىلار 4 ادامدى جىلىتۋ پۋنكتٸنە جەتكٸزدٸ, ولاردىڭ بٸرەۋٸ – كٸشكەنتاي بالا.
جولاۋشىلار قار قۇرساۋىندا ٷش ساعاتتاي تۇرىپ قالعانىن ايتىپ, قۇتقارۋشىلارعا العىسىن بٸلدٸردٸ.
سونداي-اق ساعات 13.37-دە ورال قالاسى ۆەتەلكي اۋىلى تۇسىندا جەدەل جەردەم كٶلٸگٸنٸڭ قار قۇرساۋىندا قالعانى جٶنٸندە مەلٸمەت تٷستٸ.
قۇتقارۋشىلار كٶلٸكتٸ قار قۇرساۋىنان شىعاردى. ادامداردى ەۆاكۋاتسييالاۋ كەزٸندە جاۋىنگەرلٸك كيٸمنٸڭ بەلبەۋٸن دە پايدالاندى. سونىڭ نەتيجەسٸندە ەشكٸم زارداپ شەككەن جوق.
