بقو-دا TikTok-تاعى ۆيدەوسى ٷشٸن جۇمىستان شىعارىلعان مۇعالٸم قىزمەتٸنە ورالدى. بۇل تۋرالى باتىس قازاقستان وبلىسى تەرەكتٸ اۋدانىنىڭ بٸلٸم بٶلٸمٸندەگٸلەر ايتتى, - دەپ حابارلايدى Tengrinews.kz.
"ساندۋعاش بيسەنعاليەۆادان جۇمىستان زاڭسىز شىعارۋ تۋرالى شاعىم تٷستٸ. بٸز ونى قاراستىردىق. پەداگوگتٸ ٶز لاۋازىمىنا قايتا الۋ تۋرالى شەشٸم قابىلداندى", - دەدٸ اۋداندىق بٸلٸم بٶلٸمٸنٸڭ باسشىسى جانارگٷل قۇسايىنوۆا.
ساندۋعاشتىڭ ٶزٸ بٸر توپ مۇعالٸم قارجى پوليتسيياسىنا زاڭبۇزۋشىلىق تۋرالى شاعىم تٷسٸرگەننەن كەيٸن جانجال تۋىنداعانىن ايتتى.
"مۋزىكا مەكتەبٸنٸڭ ديرەكتورى ايدانا داۆلەتوۆا مەنٸ قانداي سەبەپپەن جۇمىستان بوساتاتىنىن تاپپاي, TikTok-تاعى ۆيدەولارعا ٸلٸكتٸ. بٸراق ونىڭ ٶزٸ مەنٸڭ رۇقساتىمسىز باسقا ادامدارعا ۆيدەولارىمدى جٸبەرۋ ارقىلى ەتيكالىق نورمالاردى بۇزدى. TikTok بٸلٸم بەرۋ پلاتفورمالارىنىڭ تٸزٸمٸنە كٸرمەيدٸ. بٸراق وعان تىيىم سالىنباعان", - دەدٸ ساندۋعاش بيسەنعاليەۆا.
