باتىس قازاقستان وبلىسىندا سوڭعى تٶرت كٷندە 732 ادامنان كوروناۆيرۋس انىقتالدى, دەپ حابارلايدى "ۇلت اقپارات".
بقو سانيتارلىق-ەپيدەميولوگييالىق باقىلاۋ دەپارتامەنتٸ مەلٸم ەتكەنٸندەي, سونىڭ 531-ٸندە اۋرۋ بەلگٸلەرٸ بولسا, 201-ٸ – سيمپتومى جوقتار.
ٸندەت جۇقتىرعانداردىڭ 471-ٸ جرۆي بەلگٸلەرٸ بويىنشا تەكسەرٸلگەن, 106-سى بۇرىن اۋىرعاندارمەن قارىم-قاتىناستا بولعان. 107-سٸنەن پروفيلاكتيكالىق ماقساتتا, 6 ادامنان ستاتسيونارعا جاتقىزار الدىندا سىناما الىنعان.
تٶرت كٷندە انىقتالعانداردىڭ 328-ٸ ورال قالاسى, 123-ٸ بەيتەرەك, 101-ٸ بٶرلٸ, 34-ٸ تەرەكتٸ, 27-سٸ اقجايىق اۋدانىنىڭ ٷلەسٸنە تيەدٸ.
پاندەمييا باستالعاننان بەرٸ ٶڭٸردە بارلىعى 26188 ناۋقاس تٸركەلٸپ, سونىڭ 20735-ٸ جازىلىپ شىقتى. 418-ٸ كوروناۆيرۋستان كٶز جۇمدى.
بارلىق اۋىرعانداردىڭ 14312-سٸ ورالدا, 3295-ٸ بەيتەرەك, 2984-ٸ بٶرلٸ, 1078-ٸ تەرەكتٸ اۋدانىندا تٸركەلگەن.
ەپيدەميولوگ مامانداردىڭ پايىمداۋىنشا, ٸندەت كٶزٸ قوعامدىق كٶلٸكتەردە, ادامدار جيٸ جينالاتىن جەرلەردە (ساۋدا ٷيلەرٸ, مەديتسينا ۇيىمدارى, قوعامدىق تاماقتاندىرۋ ورىندارى) كٶبٸرەك تارالادى. سونداي-اق بۇرىن اۋىرعاندارمەن قارىم-قاتىناس كەزٸندە, ەسكە الۋ, توي-تومالاققا بارعاندا, كارانتيندٸك تالاپتار ساقتالماسا, جۇمىستا دا جۇقتىرۋى ىقتيمال. سوندىقتان تۇرعىنداردىڭ ساقتىق شارالارىن ۇمىتپاعانى ابزال.
