باتىس قازاقستاندا وقىستان مەرت بولعان كيٸكتەردٸڭ ۇشالارىن جويۋ كەزٸندە تٸرٸ قالعان كيٸكتەر دە بٸرگە كٶمٸلگەن, دەپ حابارلايدى قازاقپارات قر ەكولوگييا, گەولوگييا جەنە تابيعي رەسۋرستار مينيسترلٸگٸ ورمان شارۋاشىلىعى جەنە جانۋارلار دٷنيەسٸ كوميتەتٸنە سٸلتەمە جاساپ.
بۇعان دەيٸن حابارلانعانداي, 2021 جىلدىڭ 13 مامىرىندا بقو جەنٸبەك اۋدانى تاۋ كەنتٸنٸڭ جانىنان 372 ٶلگەن كيٸك ۇشاسى تابىلعان. الدىن الا اقپارات بويىنشا, جانۋارلاردىڭ ٶلٸم سەبەپتەرٸنٸڭ بٸرٸ وسى ايماقتاعى قولايسىز اۋا رايىنا بايلانىستى بولۋى مٷمكٸن (نٶسەر جاڭبىر مەن نايزاعاي), ٶيتكەنٸ قاڭقالاردا نايزاعاي رازريادىنىڭ ٸزٸ قالعان.
ٶلگەن جانۋارلاردى جيناۋ جەنە جويۋ جۇمىستارىن تاۋ اۋىلدىق وكرۋگٸنٸڭ ەكٸمدٸگٸ جٷرگٸزگەن.
«2021 جىلعى 17 مامىردا ەلەۋمەتتٸك جەلٸلەردە باتىس قازاقستان وبلىسىندا وقىستان مەرت بولعان جانۋارلاردىڭ ٶلٸ ۇشالارىن جويۋ كەزٸندە كەزدەسكەن تٸرٸ كيٸكتەردٸڭ بەينەجازباسى تاراتىلدى. وقيعاعا بايلانىستى ورمان شارۋاشىلىعى جەنە جانۋارلار دٷنيەسٸ كوميتەتٸ جانۋارلارعا جاسالعان كەز كەلگەن قاتىگەزدٸكتٸ ايىپتايدى جەنە وسى سالاداعى زاڭبۇزۋشىلارعا تٶزبەيتٸنٸن جەتكٸزەدٸ! بۇل مەسەلە كوميتەتتٸڭ قاتاڭ باقىلاۋىنا الىندى», - دەپ حابارلادى ورمان شارۋاشىلىعى جەنە جانۋارلار دٷنيەسٸ كوميتەتٸنەن.
قر ەكولوگييا, گەولوگييا جەنە تابيعي رەسۋرستار مينيسترلٸگٸنٸڭ رەسمي ٶكٸلٸ سامال يبراەۆا وبلىستىق پوليتسييا دەپارتامەنتٸنە شاعىم تٷسٸرٸلەتٸنٸن, جازىقسىز جانۋارلارعا سالعىرتتىق تانىتقانداردىڭ جازالاناتىنىن جازدى.
