باتىس قازاقستان وبلىسىندا كوروناۆيرۋستان كٶز جۇمعان 79 جاستاعى كەيۋانا ٷيٸندە ٶزدٸگٸنەن ەمدەلگەن, دەپ حابارلايدى "ۇلت اقپارات".
وبلىستىق دەنساۋلىق ساقتاۋ باسقارماسىنىڭ باسپاسٶز قىزمەتٸ مەلٸم ەتكەنٸندەي, 1941 جىلعى تۇرعىن 22 مامىر كٷنٸ اۋىرعان. ەلسٸزدٸك پايدا بولىپ, قىزۋى 38 گرادۋسقا دەيٸن كٶتەرٸلٸپ, ٷيدە ٶزدٸگٸنەن ەمدەلگەن, دەرٸگەرگە قارالماعان.
جاعدايى ناشارلاعاننان كەيٸن 25 مامىر كٷنٸ ۋچاسكەلٸك دەرٸگەرگە جٷگٸنگەن. 27 مامىر كٷنٸ ساعات 00.40-تا اۋىر حالدە وبلىستىق جۇقپالى اۋرۋلار اۋرۋحاناسىنىڭ جانساقتاۋ بٶلٸمٸنە تٷسكەن. مارقۇم 7 ماۋسىم كٷنٸ ساعات 17.30-دا قايتىس بولدى.
دياگنوزى: اۋىر جاعدايدا ٶربٸگەن كوروناۆيرۋس جۇقپاسى. ەكٸجاقتى پوليسەگمەنتتٸ پنەۆمونييا. سونداي-اق قوسىمشا باسقا دا اۋرۋلارى اسقىنىپ كەتكەن.
وسىلايشا بقو-دا كوروناۆيرۋستان كٶز جۇمعاندار سانى 3-كە جەتتٸ. كەشە ەلٸمٸزدە وسى ينفەكتسييادان التى ناۋقاس قايتىس بولعان ەدٸ.
