باتىس قازاقستان وبلىسىندا كوروناۆيرۋسقا شالدىققان 34 ناۋقاس جانساقتاۋ بٶلٸمٸندە جاتىر, دەپ حابارلايدى "ۇلت اقپارات".
بقو دەنساۋلىق ساقتاۋ باسقارماسى مەلٸم ەتكەنٸندەي, ٶڭٸردە 1123 تٶسەكتٸك 18 ينفەكتسييالىق ستاتسيوناردا ەمدەلٸپ جاتقاندار سانى 441-گە جەتتٸ.
سونىڭ ٸشٸندە ورال قالاسىندا 600 تٶسەكتٸك 5 ستاتسيوناردا 362 ناۋقاس جاتىر.
سوڭعى اپتادا الدىڭعىمەن سالىستىرعاندا, اۋرۋ جۇقتىرۋ كٶرسەتكٸشٸ 5,7 پايىزعا (30 ادامعا) تٶمەندەگەنٸمەن, اۋرۋحاناعا تٷسٸپ جاتقاندار سانى ازايىپ وتىرعان جوق.
وبلىستا جىل باسىنان بەرٸ 14867 ادام ٸندەت جۇقتىرسا, سونىڭ 55,5 پايىزى (8262) ورال قالاسىندا, 14,3 پايىزى (2130) بەيتەرەك, 11,1 پايىزى (1662) بٶرلٸ اۋدانىندا تٸركەلٸپ وتىر.
سوڭعى تەۋلٸكتە 66 ادامنان كوروناۆيرۋس تابىلسا, 48-ٸ ەمدەلٸپ شىقتى.
ٸندەت باستالعاننان بەرٸ 24088 ناۋقاس تٸركەلسە, سونىڭ 19218-ٸ جازىلىپ شىقتى. سونىڭ ٸشٸندە 8925-ٸ ستاتسيوناردا, 10293-ٸ امبۋلاتورلىق ەم الدى. 351 ادام ٶمٸردەن وزدى.
وبلىس بويىنشا 82198 ادام كوروناۆيرۋسقا قارسى ۆاكتسينانىڭ بٸرٸنشٸ, 49744-ٸ ەكٸنشٸ كومپونەنتٸمەن ەگٸلدٸ.
