Batys Qazaqstan oblysynda koronavirýsqa shaldyqqan 34 naýqas jansaqtaý bóliminde jatyr, dep habarlaidy "Ult aqparat".
BQO densaýlyq saqtaý basqarmasy málim etkenindei, óńirde 1123 tósektik 18 infektsiialyq statsionarda emdelip jatqandar sany 441-ge jetti.
Sonyń ishinde Oral qalasynda 600 tósektik 5 statsionarda 362 naýqas jatyr.
Sońǵy aptada aldyńǵymen salystyrǵanda, aýrý juqtyrý kórsetkishi 5,7 paiyzǵa (30 adamǵa) tómendegenimen, aýrýhanaǵa túsip jatqandar sany azaiyp otyrǵan joq.
Oblysta jyl basynan beri 14867 adam indet juqtyrsa, sonyń 55,5 paiyzy (8262) Oral qalasynda, 14,3 paiyzy (2130) Báiterek, 11,1 paiyzy (1662) Bórli aýdanynda tirkelip otyr.
Sońǵy táýlikte 66 adamnan koronavirýs tabylsa, 48-i emdelip shyqty.
Indet bastalǵannan beri 24088 naýqas tirkelse, sonyń 19218-i jazylyp shyqty. Sonyń ishinde 8925-i statsionarda, 10293-i ambýlatorlyq em aldy. 351 adam ómirden ozdy.
Oblys boiynsha 82198 adam koronavirýsqa qarsy vaktsinanyń birinshi, 49744-i ekinshi komponentimen egildi.
