باتىس قازاقستان وبلىسىندا كوروناۆيرۋس جۇقتىرعان 2415 ناۋقاس امبۋلاتورلىق ەم قابىلداپ جاتىر, دەپ حابارلايدى "ۇلت اقپارات".
بقو دەنساۋلىق ساقتاۋ باسقارماسى باسشىسىنىڭ ورىنباسارى گٷلنەر ەبدٸراحمانوۆانىڭ ٶڭٸرلٸك كوممۋنيكاتسييالار قىزمەتٸ الاڭىندا مەلٸم ەتكەنٸندەي, ولاردىڭ 66,8 پايىزىنىڭ اۋرۋى جەڭٸل ٶتۋدە. 13,6 پايىزىنىڭ جاعدايى ورتاشا اۋىر. 19,6 پايىزى – سيمپتومى جوقتار.
وبلىستىق جەدەل جەردەم ستانساسىنا سوڭعى تەۋلٸكتە بارلىعى 1115 قوڭىراۋ شالىندى, سونىڭ ٸشٸندە كۆي بويىنشا – 181, ستاتسيونارلارعا جاتقىزىلعاندار سانى – 50.
گٷلنەر ماقسوتقىزىنىڭ سٶزٸنە قاراعاندا, قازٸرگٸ تاڭدا 1459 تٶسەكتٸك 20 ينفەكتسييالق ستاتسيوناردا (ونىڭ التاۋى قالادا, قالعانى اۋدانداردا) بارلىعى 667 ادام ەمدەلۋدە. سونىڭ ٸشٸندە 109 تٶسەكتٸك جانساقتاۋ بٶلٸمشەلەرٸندە 53 ناۋقاس جاتىر. بۇلاردىڭ ٸشٸندە 50-ٸ اۋىر, ٷشەۋٸ اسا اۋىر حالدە. 50,9 پايىزى – ٸلەسپەلٸ پاتولوگيياسى بار 60 جاستان اسقاندار. 40 ناۋقاستىڭ سوزىلمالى دەرتٸ بار, 29-ى جٷرەك-قان تامىرلارى اۋرۋلارىنا, 11-ٸ قانت ديابەتٸنە شالدىققان.
ينۆازيۆتٸ جاساندى تىنىس الۋ اپپاراتىنا 1, ينۆازيۆتٸ ەمەس وسىنداي قۇرىلعىعا 31, وتتەگٸ كونتسەنتراتورىنا 18 ناۋقاس قوسىلعان.
«ينفەكتسييالىق ستاتسيونارلاردا جاتقانداردىڭ 98 پايىزدان استامى ۆاكتسينا الماعان. ال جانساقتاۋ بٶلٸمشەسٸندەگٸلەر تٷگەلدەي ەگٸلمەگەن», دەدٸ گ.ەبدٸراحمانوۆا.
كٷنٸ بٷگٸنگە دەيٸن وبلىستا 181 491 ادام ۆاكتسينانىڭ بٸرٸنشٸ, 138 911-ٸ ەكٸنشٸ كومپونەنتٸمەن ەگٸلگەن.
ٸندەت باستالعاننان بەرٸ كوروناۆيرۋس جۇقتىرعان 32 844 ناۋقاستىڭ 25 084-ٸ نەمەسە 76,3 پايىزى جازىلىپ شىقتى. 606 ادام كٶز جۇمدى.
