باتىس قازاقستان وبلىسىندا 1-16 قاراشا ارالىعىندا 503 ادامنىڭ كوروناۆيرۋس جۇقتىرعانى تٸركەلدٸ, دەپ حابارلايدى "ۇلت اقپارات".
بقو سانيتارييالىق-ەپيدەميولوگييالىق باقىلاۋ دەپارتامەنتٸ باسشىسىنىڭ ورىنباسارى نۇرلىبەك مۇستاەۆتىڭ ٶڭٸرلٸك كوممۋنيكاتسييالار قىزمەتٸ الاڭىندا ٶتكەن بريفينگٸدە مەلٸم ەتكەنٸندەي, سونىڭ ٸشٸندە 205-ٸندە اۋرۋ بەلگٸلەرٸ بولعان. قالعان 298-ٸندە اۋرۋ بەلگٸلەرٸ جوق.
وسى مەرزٸمدە اۋىرعانداردىڭ 360-ى نەمەسە 71,5 پايىزى ورال قالاسىنىڭ ٷلەسٸنە تيەدٸ. سونداي-اق بەيتەرەك اۋدانىندا – 63, بٶرلٸدە – 32, تەرەكتٸدە – 12, شىڭعىرلاۋدا – 10, جەنٸبەكتە – 8, قازتالوۆتا – 7, جاڭاقالادا – 6, سىرىمدا – 4, قاراتٶبەدە – 3, بٶكەي ورداسى مەن اقجايىقتا بٸر-بٸردەن ادامنىڭ كوۆيد جۇقتىرعانى بەلگٸلٸ بولدى.
قاراشا ايىندا مەملەكەتتٸك شەكارادان 12074 ادام ٶتسە, سونىڭ 2267-سٸ – جولاۋشىلار. انىقتاماسىز ٶتكەن 224 جولاۋشىنىڭ تٶرتەۋٸنەن ٸندەت تابىلدى. حالىقارالىق جٷك تاسىمالداۋمەن اينالىساتىن 4022 جٷرگٸزۋشٸنٸڭ 1844-ٸندە انىقتاما بولماعان. سولاردىڭ ٸشٸنەن 17-سٸنٸڭ كوروناۆيرۋس جۇقتىرعانى انىقتالدى.
وبلىس بويىنشا COVID-19 جۇقتىرعاندار سانى 7527-گە جەتٸپ, سونىڭ 6961-ٸ ساۋىعىپ شىقتى. 128 ادام كٶز جۇمدى.
ٶڭٸردە مونيتورينگتٸك توپتار ٶز قىزمەتٸن جالعاستىرۋدا. قاراشا ايىندا 52 نىساننىڭ سانيتارلىق تالاپتى بۇزعانى انىقتالدى. قر ەكٸمشٸلٸك قۇقىقبۇزۋشىلىق كودەكسٸنٸڭ 425-بابى 1-بٶلٸگٸنە سەيكەس 80 حاتتاما تولتىرىلىپ, 4 ملن استام تەڭگە ايىپپۇل سالىندى.
«وبلىستا 10 قاراشادان باستاپ كارانتيندٸك شەكتەۋ شارالارى قاتاڭداتىلعانى مەلٸم. تٷنگٸ ساعات 23.00-دەن باستاپ تاڭعى 06.00-گە دەيٸن كٶلٸكتەردٸڭ قوزعالىسىنا شەكتەۋ قويىلۋى, سەنبٸ, جەكسەنبٸ كٷندەرٸ سانيتارلىق پوستتاردىڭ جۇمىس ٸستەۋٸ جەنە قوعامدىق كٶلٸكتەردٸڭ توقتاتىلۋى سيياقتى شارالار قازٸرگٸ تۇراقسىز جاعدايعا بايلانىستى قولعا الىندى. ەپيدەميولوگييالىق احۋالدىڭ وڭالۋى ٷشٸن تۇرعىندار سانيتارلىق تالاپتاردى ساقتاپ, ماسكا كيٸپ, اراقاشىقتىقتى ۇمىتپاي, كٶپشٸلٸك جينالعان جەرلەرگە بارماۋى كەرەك», دەدٸ ن.مۇستاەۆ.
