باتىس قازاقستان وبلىسىندا قاراشا ايىندا 355 ادام كوروناۆيرۋستان ەمدەلٸپ شىقتى, دەپ حابارلايدى "ۇلت اقپارات".
بقو دەنساۋلىق ساقتاۋ باسقارماسى باسشىسىنىڭ ورىنباسارى گٷلنەر ەبدٸراحمانوۆانىڭ ٶڭٸرلٸك كوممۋنيكاتسييالار قىزمەتٸ الاڭىندا ٶتكەن بريفينگٸدە مەلٸم ەتكەنٸندەي, وبلىستا وسى كەزگە دەيٸن 7 912 ادام ٸندەت جۇقتىردى. كٷنٸ بٷگٸن سونىڭ 7 188-ٸ نەمەسە 90,8 پايىزى جازىلىپ شىقتى. وسىنىڭ 3 329-ى ستاتسيوناردا ەمدەلسە, 3859-ى امبۋلاتورييادا قابىلدادى.
ٸندەت سالدارىنان 131 ادام كٶز جۇمدى.
گ.ەبدٸراحمانوۆانىڭ سٶزٸنە قاراعاندا, قازٸرگٸ تاڭدا 185 تٶسەكتٸك 4 كارانتين ستاتسيونارىندا 46 ادام جاتىر. ال 359 تٶسەكتٸك 7 ينفەكتسييالىق ستاتسيوناردا 126 ادام ەمدەلۋدە.
سونىڭ ٸشٸندە 10-ى جانساقتاۋ بٶلٸمشەسٸندە. بۇلاردىڭ ەكەۋٸ 40 پەن 60, التاۋى 60 پەن 80 جاس ارالىعىنداعىلار بولسا, قالعان ەكەۋٸ – سەكسەننەن اسقاندار. بەرٸنٸڭ دە قوسىمشا سوزىلمالى سىرقاتتارى بار, 9-ى جٷرەك-قان تامىرلارى, بٸرەۋٸ قانت ديابەتٸنە شالدىققان.
سول سەكٸلدٸ ينۆازيۆتٸ ەمەس ٶكپەنٸ جاساندى جەلدەتۋ اپپاراتىنا 5, وتتەگٸ كونتسەنتراتورىنا 9 ناۋقاس قوسىلعان.
«جالپى, وبلىس بويىنشا مەديتسينالىق ۇيىمدار 195 ٶكپەنٸ جاساندى جەلدەتۋ اپپاراتى, 645 وتتەگٸ كونتسەنتراتورى, 1 063 وكسيمەتر, 198 وتتەگٸ كٶزٸ, 425 بوبروۆ اپپاراتىمەن قامتاماسىز ەتٸلگەن. 7 تسيفرلىق رەنتگەن اپپاراتى ساتىپ الىنىپ, كوۆيدتٸ پنەۆمونييانى دياگنوستيكالاۋ ٷشٸن اۋداندىق اۋرۋحانالارعا جەتكٸزٸلدٸ», دەدٸ گ.ەبدٸراحمانوۆا.
