باتىس قازاقستان وبلىسىندا يت قاپقان تۇرعىندار سانى ارتىپ وتىر, دەپ حابارلايدى قازاقپارات.
بقو سانيتارلىق-ەپيدەميولوگييالىق باقىلاۋ دەپارتامەنتٸنٸڭ باسشىسى مۇحامعالي ارىسپاەۆ مەلٸم ەتكەنٸندەي, بيىلعى ٷش ايدا قۇتىرما ٸندەتٸ بويىنشا جاعداي تۇراقتى بولعانىمەن, يت قاۋىپ, زارداپ شەككەندەر سانى ٶتكەن جىلعى وسى كەزەڭمەن سالىستىرعاندا, 3 پايىزعا ارتقان.
ونىڭ ايتۋىنشا, جىل باسىنان بەرگٸ ٷش ايدا جانۋارلاردىڭ تٸستەۋٸ سالدارىنان 384 ادام انتيرابييالىق كٶمەكتٸ قاجەت ەتكەن. سونىڭ ٸشٸندە 73,4 پايىزى يتتەن, 21 پايىزى مىسىقتان, 3,1 پايىزى ٶزگە ٷي جانۋارلارىنان زارداپ شەككەن.
دەپارتامەنت باسشىسىنىڭ سٶزٸنە قاراعاندا, يتتەردٸڭ جويىلماۋى, دەگەلمينتيزاتسييالاۋ شارالارىنىڭ تولىق اتقارىلماۋى سالدارىنان تۇرعىندار اراسىندا پارازيتتٸك اۋرۋلار دا ٶرشٸپ وتىر. سونىڭ ٸشٸندە ەحينوكوككوز اۋرۋى كٶبەيۋدە. ەحينوكوككوزدىڭ نەگٸزگٸ كٶزٸ – يتتەرگە تەكسەرۋدٸڭ دۇرىس جٷرگٸزٸلمەۋٸ. بۇرالقى يتتەر پارازيت كٶزٸ (تاسىمالداۋشىسى) بولۋى جەنە ولارمەن تٸكەلەي قاتىناس كەزٸندە ادام اۋرۋ جۇقتىرۋى مٷمكٸن. 2021 جىلى 8058 يت, 339 مىسىق اۋلانسا, بيىلعى بٸرٸنشٸ توقساندا 1150 يت قانا «تورعا تٷسكەن».
«وبلىس بويىنشا ەپيدەميولوگييالىق جاعداي سالىستىرمالى تٷردە تۇراقتى بولعانىمەن, روتاۆيرۋستى ەنتەريت 9,3 ەسە (3-تەن 28-گە), جەلشەشەك 4,9 ەسە (183-تەن 906-عا), قىزامىق 3,9 ەسە (41-تەن 160-قا), سالمونەللەز 2 ەسە (6-دان 12-گە), دەرماتوميكوز 2 ەسە (8-دەن 16-عا), اسكاريدوز 2 ەسە (4-تەن 8-گە) جەدەل رەسپيراتورلى ۆيرۋستى ينفەكتسييا 1,7 ەسە (11 740-تان 20 940-قا), سوزىلمالى ۆ ۆيرۋستى گەپاتيتٸ 1,6 ەسە (8-دەن 13-كە), كوروناۆيرۋس 1,6 ەسە (5925-تەن 9584-كە), جٸتٸ ٸشەك ينفەكتسيياسى 1,5 ەسە (17-دەن 26-عا), سوزىلمالى س ۆيرۋستى گەپاتيتٸ 1,3 ەسە (16-دا 22-گە) كٶبەيٸپ وتىر.
قازٸرگٸ تاڭدا كارانتيندٸك شەكتەۋ شارالارىنىڭ الىنىپ تاستالۋىنا بايلانىستى بارلىق نىساندار قالىپتى جۇمىس جاساۋدا. وسىعان وراي سالمونەللەز, جەدەل ٸشەك جۇقپالارى, ديزەنتەرييا, باسقا ينفەكتسييالار ٶسۋٸ مٷمكٸن دەگەن بولجام بار», - دەدٸ م.ارىسپاەۆ.
