فوتو: اشىق دەرەككٶز
قارجىلىق مونيتورينگ اگەنتتٸگٸنٸڭ باتىس قازاقستان وبلىسى بويىنشا دەپارتامەنتٸ ازاماتتاردىڭ بانك شوتتارىنا زاڭسىز قول جەتكٸزٸپ, الاياقتىق جولمەن الىنعان قاراجاتتى اينالىمعا شىعارۋمەن اينالىسقان توپتىڭ ەرەكەتٸن توقتاتتى, دەپ حابارلايدى Ult.kz.
تەرگەۋ مەلٸمەتٸنشە, كٷدٸكتٸ ۆەيدنەر ت.ە. قىلمىستىق سحەمانى ۇيىمداستىرىپ, زاڭسىز تابىستى ٷشٸنشٸ تۇلعالاردىڭ شوتتارى ارقىلى ٶتكٸزٸپ, كەيٸن قولما-قول اقشاعا اينالدىرۋدى ٷيلەستٸرگەن. ول «دروپپەرلەردٸ» تارتىپ, ەرقايسىسىنا ناقتى مٸندەتتەر بٶلٸپ بەرگەن. مۇنداي قىزمەت ٷشٸن قاتىسۋشىلارعا 200-دەن 350 اقش دوللارىنا دەيٸن سىياقى تٶلەنٸپ وتىرعان.
مەسەلەن, 2025 جىلعى قازاندا ورال قالاسىندا ستۋدەنتتەردٸڭ بٸرٸنٸڭ اتىنا بانك شوتتارى اشىلىپ, ونلاين-بانكينگكە قول جەتكٸزۋ دەرەكتەرٸ ۇيىمداستىرۋشىعا بەرٸلگەن. وسى شوتتار ارقىلى ينتەرنەت-الاياقتىقتان تٷسكەن قاراجات ٶتكٸزٸلٸپ, كەيٸن ايىرباستالىپ, شەتەلگە اۋدارىلعان.
كەيٸن شوت يەسٸ ەرەكەتتٸڭ زاڭسىز ەكەنٸن تٷسٸنٸپ, قۇقىق قورعاۋ ورگاندارىنا ٶز ەركٸمەن جٷگٸنگەن. سونىڭ ارقاسىندا قارجى وپەراتسييالارىن دەر كەزٸندە توقتاتىپ, شوتتاردى بۇعاتتاۋعا مٷمكٸندٸك تۋعان. الايدا كٷدٸكتٸلەر جەبٸرلەنۋشٸگە قىسىم كٶرسەتٸپ, بانك قوسىمشالارىن قايتا ۆەريفيكاتسييالاۋدى تالاپ ەتكەن.
سونىمەن قاتار, ونى پەتەردە زاڭسىز ۇستاپ, كٷش قولدانامىز دەپ قورقىتىپ, ۇيالى تەلەفونىن لومباردقا تاپسىرۋعا مەجبٷرلەگەن. تٷسكەن قاراجاتتى ٶزارا بٶلٸسكەن. بۇدان بٶلەك, كٷدٸكتٸلەر شوتتارداعى شەكتەۋلەردٸ الىپ تاستاۋعا ەرەكەت جاساپ, جەبٸرلەنۋشٸنٸ بانكتەر مەن ەكٸمشٸلٸك ورگاندارعا ەرتٸپ جٷرگەن.
قازٸرگٸ ۋاقىتتا سحەما ۇيىمداستىرۋشىسى قاماۋعا الىندى. ال ونىڭ التى سىبايلاسىنا قاتىستى كەپٸل جەنە ەلدەن شىقپاۋ تٷرٸندەگٸ بۇلتارتپاۋ شارالارى قولدانىلدى. قىلمىستىق ٸس سوتقا جولداندى.
