باتىس قازاقستان وبلىسى دەنساۋلىق ساقتاۋ باسقارماسىنىڭ جەتەكشٸسٸ بولاتبەك قايىپوۆ پاراقورلىق بابى بويىنشا كٷدٸككە ٸلٸنٸپ, ۇستالدى. قازاقستاننىڭ باتىس ٶڭٸرٸنەن اقپارات تاراتاتىن "موي گورود" سايتى 29 قازاندا وسىلاي دەپ حابارلادى. ەزٸرگە تولىق ەمەس دەرەك بويىنشا, شەنەۋنٸك 7 ملن تەڭگە كٶلەمٸندە پارا الدى دەگەن كٷدٸككە ٸلٸنگەن. وبلىستىڭ باس دەرٸگەرٸ ۋاقىتشا قاماۋ يزولياتورىنا قامالدى دەپ ايتىلادى.
"موي گورود" سايتىنىڭ جازۋىنشا, قايىپوۆقا قاتىستى تەرگەۋ امالدارى باستالعانى جايلى اقپارات وسىعان دەيٸن دە تاراعان. الايدا قىركٷيەك ايىنىڭ باسىندا وبلىستىق دەنساۋلىق ساقتاۋ باسقارماسى اقپاراتتى جوققا شىعارعان. دەگەنمەن باسقارما قاداعالاۋ ورگاندارىنىڭ كوروناۆيرۋسپەن كٷرەسكە باعىتتالعان شارالارعا قارجى جۇمساۋ مەسەلەسٸن تەكسەرٸپ جاتقانىن راستاعان.
29 قازاندا باتىس قازاقستان وبلىسىنىڭ دەنساۋلىق ساقتاۋ باسقارماسىنىڭ باسپاسٶز قىزمەتٸ قايىپوۆتىڭ ۇستالعانى جايلى اقپاراتتان حابارسىز ەكەنٸن جەتكٸزگەن. ال شەنەۋنٸك ورنىندا جوق بولىپ شىققان. باتىس قازاقستان وبلىسىنىڭ جەمقورلىققا قارسى ٸس-قيمىل كٷرەس قىزمەتٸ دە ەزٸرگە تٷسٸنٸكتەمە بەرمەي وتىر.
وسىعان دەيٸن دەنساۋلىق ساقتاۋ ۆيتسە-مينيسترٸ ولجاس ەبٸشەۆ "قاراجاتتى ىسىراپ ەتۋ" بابى بويىنشا كٷدٸككە ٸلٸنٸپ, ۇستالعان ەدٸ. اقپارات بويىنشا, تەرگەۋ ورگاندارى شەنەۋنٸكتٸ "اقپاراتتىق جٷيە قۇرۋعا بٶلٸنگەن 500 ميلليون تەڭگەدەن استام قاراجاتتى ىسىراپ قالدى" دەپ ايىپتاپ وتىر. قىركٷيەك ايىنىڭ سوڭىندا بۇل ٸس بويىنشا تەرگەۋ امالدارىنىڭ جالعاسىپ جاتقانى حابارلاندى.
ەلدە كوروناۆيرۋس ٸندەتٸ ٶرشٸپ, دەنساۋلىق ساقتاۋ سالاسىنا سىن كٶبەيگەن شاقتا ايماقتاعى دەنساۋلىق ساقتاۋ باسقارماسى ماماندارى دا جيٸ اۋىسىپ جاتىر. وسىعان دەيٸن الماتى قالاسىنىڭ دەنساۋلىق ساقتاۋ باسقارماسىنىڭ جەتەكشٸسٸ كامالجان نەدٸروۆ قىزمەتٸنەن كەتكەن.
