بىلتىر مامىردا ورال-اتىراۋ تاسجولىندا بەيتەرەك اۋدانى يانايكينو اۋىلىنىڭ ەكٸمٸ اۋعان ەلمۇرزين ماس كٷيدە كٶلٸك ايداپ كەلە جاتقان كەزٸندە ۇستالعان بولاتىن. شەنەۋنٸك ماس بولعان, بۇل مەديتسينالىق تەكسەرٸستەن كەيٸن راستالدى. ال جاقىندا ەكس اۋىل باسشىسى جاڭا اۋىلعا ەكٸم بولىپ تاعايىندالعان, - دەپ حابارلايدى Massaget پورتالى جەرگٸلٸكتٸ "موي گورود" باسىلىمىنا سٸلتەمە جاساپ.
بٸر جىل بۇرىن ەلمۇرزين ەتيكا كەڭەسٸنٸڭ شەشٸمٸمەن قىزمەتٸنەن بوساتىلىپ, جەتٸ جىلعا كٶلٸك جٷرگٸزۋ قۇقىعىنان ايىرىلعان بولاتىن.
ال جاقىندا بەيتەرەك اۋدانى ەكٸمدٸگٸنٸڭ سايتىندا تٶرت اۋىل ەكٸمٸ سايلاۋدان ٶتٸپ, اۋعان ەلمۇرزين كٶشٸم اۋىلدىق وكرۋگٸنٸڭ ەكٸمٸ بولىپ تاعايىندالعان.
بەيتەرەك اۋدانى ەكٸمٸ اپپاراتىنىڭ باسشىسى نۇرجان جٷزباتىردىڭ ايتۋىنشا, اۋعان ەلمۇرزين اۋىل تۇرعىندارىنىڭ سايلاۋى ارقىلى تاعايىندالعان. 80 پايىزعا جۋىق تۇرعىن داۋىس بەرگەن.
"يە, راسىندا ول جۇمىستان قۋىلعان, بٸراق بۇل بەدەلٸن تٷسٸرەتٸن فاكت ەمەس. ول اۋىل ەكٸمٸ قىزمەتٸنەن بوساتىلعاننان كەيٸن ەكٸ ايدان سوڭ مەملەكەتتٸك قىزمەتكەر تەستٸنەن ٶتٸپ, يانايكينو اۋىلى ەكٸمدٸگٸنە باس مامان بولىپ جۇمىس ٸستەدٸ. 12 جىلداي كٶشٸم ەكٸمدٸگٸندە جۇمىس ٸستەگەندٸكتەن, اۋىل تۇرعىندارىنىڭ ٶتٸنٸشٸمەن ول كانديدات رەتٸندە ۇسىنىلدى. ورتالىق سايلاۋ كوميتەتٸ قارسى كەلەتٸندەي ەشتەڭە تاپپادى", - دەيدٸ اپپارات باسشىسى.
