باتىس قازاقستان وبلىسىنىڭ تاسقالا اۋدانىندا بٸرقاتار مەكتەپتٸڭ اتاۋى قازاقىلاندى.
«بۇل ٶزگەرٸس يدەولوگييالىق تۇرعىدان ەسكٸرگەن اتاۋلار مەن قايتالاناتىن اتاۋلاردى تاريحي جەر-سۋ اتاۋلارىنا الماستىرۋ اياسىندا جٷرگٸزٸلدٸ» دەيدٸ وبلىستىق تٸلدەردٸ دامىتۋ باسقارماسىنىڭ باسشىسى ايگٷل مىڭباەۆا.
قازاقستان رەسپۋبليكاسى ٷكٸمەتٸنٸڭ 2018 جىلعى 9 شٸلدەدە شىققان №413 قاۋلىسىنا وراي تاسقالا اۋدانىنداعى ۆاۆيلين باستاۋىش مەكتەبٸ – باستاۋ, جەمشين باستاۋىش مەكتەبٸ – توعايلى, كرۋتوي نەگٸزگٸ مەكتەبٸ – ىنتىماق, كۋزنەتسوۆ نەگٸزگٸ مەكتەبٸ – بٸرلٸك, رودنيك نەگٸزگٸ مەكتەبٸ – اينابۇلاق, سەميگلاۆىي مار ورتا مەكتەبٸ – دوستىق, سوۆحوز مەكتەپ-بالاباقشاسى – اتامەكەن, شيپوۆ ورتا مەكتەبٸ – مەرەي ورتا مەكتەبٸ بولىپ قايتا اتالاتىن بولدى.
وسىلايشا, شەكارادا جاتقان ەلدٸمەكەندەردٸڭ قازاقى بەت-بەينەسٸ قالپىنا كەلٸپ, الداعى جاڭا وقۋ جىلىندا شەكٸرتتەر اتاۋى جاڭعىرعان مەكتەپ تابالدىرىعىن اتتايتىن بولدى.
قازبەك قۇتتىمۇراتۇلى,
«ەگەمەن قازاقستان» گازەتٸ
