سۋرەت: elitar.kz
باتىس قازاقستان وبلىسىندا ويناپ جٷرٸپ, ترانسفورماتور ۇستاعان 5 جاسار بالا قولىنان ايىرىلدى, - دەپ حابارلايدى Tengrinews.kz اگەنتتٸگٸ elitar.kz سايتىنا سٸلتەمە جاساپ.
وقىس وقيعا جاڭاقالا اۋدانى جاڭاقازان اۋىلىندا بولدى. 5 جاسار بالا قوسالقى ەلەكتر ستانساسىنىڭ ٸشٸنە كٸرگەن. ول قورشاۋدىڭ ٸشٸندە ويناپ جٷرٸپ, كٶپ ۇزاماي توكقا تٷسكەن.
بقو دەنساۋلىق ساقتاۋ باسقارماسىنىڭ باسپاسٶز حاتشىسى ايناگٷل ساقپوسىنوۆانىڭ ايتۋىنشا, بالا جاڭاقالا اۋداندىق اۋرۋحاناسىنا جاتقىزىلعان. بٸراق ونىڭ جاعدايى ٶتە اۋىر.
بالانىڭ ەكٸ قولى كٷيگەن, سوندىقتان ورال قالاسىنا ساناۆياتسييامەن جەتكٸزٸلگەن. كەيٸنٸرەك دەرٸگەرلەر 5 جاسار بٷلدٸرشٸننٸڭ ەكٸ قولىن كەسۋگە مەجبٷر بولعانىن ايتقان.
