باتىس قازاقستان وبلىسىندا 4,5 توننا پٸشەن مەن ەكٸ قورا ٶرتەندٸ, دەپ حابارلايدى قازاقپارات.
بقو تج دەپارتامەنتٸنٸڭ باسپاسٶز قىزمەتٸ مەلٸم ەتكەنٸندەي, وقيعا 18 سەۋٸر كٷنٸ شىڭعىرلاۋ اۋدانىندا بولدى.
ساعات 13.08-دە اششىساي اۋىلدىق وكرۋگٸ مىرزاقورا ەلدٸ مەكەنٸندە, ٶرت سٶندٸرۋ بەكەتٸنەن 30 شاقىرىم جەردە 4,5 توننا پٸشەن مەن ەكٸ شارۋاشىلىق قۇرىلىسى وتقا وراندى.
اۋماعى 225 شارشى مەتردٸ قۇراعان ٶرت ساعات 14.10-دە وقشاۋلاندى. قازٸرگٸ كەزدە ٶرت سٶندٸرٸلٸپ جاتىر.
دەپارتامەنت مەلٸمەتٸنە قاراعاندا, سونداي-اق بٷگٸن ساعات 17.00-دە سامارا-شىمكەنت جولى بويىندا تەرەكتٸ اۋدانى ۇزىنكٶل اۋىلى تۇسىندا اۆتوكٶلٸك ٶرتەنٸپ كەتتٸ.
ورال قالاسىندا ساعات 16.07-دە الماتى كٶشەسٸ 109/1-مەكەنجايىندا 5 قاباتتى ٷيدە ٶرت بولدى. بٸرٸنشٸ قاباتتاعى پەتەردە جەكە زاتتار جاندى. وقيعا ورنىنان پەتەر يەسٸ, 62 جاستاعى ەر ادام قۇتقارىلىپ, اۋرۋحاناعا جاتقىزىلدى.
ساعات 16.32-دە سٶندٸرٸلگەن بۇل ٶرت الدىن الا بولجام بويىنشا وتپەن اباي بولماۋدان شىققان.
