"كەشە ساعات 16.10 شاماسىندا بقو-عا قاراستى ۆەتەلكي ەلدٸ مەكەنٸندە جالپى اۋماعى 550 شارشى مەتردٸ قامتىعان قويما ٶرتەندٸ", - دەپ حابارلايدى ۇلت.كز تٸلشٸسٸ قازاقپاراتقا سٸلتەمە جاساپ.
بقو تج دەپارتامەنتٸنٸڭ باسپاسٶز حاتشىسى بيبٸگٷل نۇرمۇحانوۆانىڭ ايتۋىنشا, شاتىرى ٶرتەنگەن قويماعا قوسا 5 گەكتار جەردٸڭ شٶبٸ دە وتقا ورانعان. ٶرت سٶندٸرۋگە 53 ادام, 11 تەحنيكا قاتىستىرىلىپ, ساعات 17.42-دە «تٸلسٸز جاۋ» اۋىزدىقتالدى. سونىڭ نەتيجەسٸندە 70 توننا سۇلى ساقتالعان تاعى بٸر قويما ٶرتتەن امان قالدى.
ايتا كەتەيٸك, «ورال اۋىل شارۋاشىلىعى تەجٸريبە ستانساسى» جشس يەلٸگٸندەگٸ اتالعان قويمادا 30 تونناداي استىق قالدىعى (كەبەك) بولعان.
تامىز ايى بويى كٷن ىستىق بولعاندىقتان, ٶڭٸردە ٶرت قاۋٸپتٸلٸگٸ ساقتالۋدا.
