باتىس قازاقستان وبلىسىندا جەلتوقسان ايىندا 29 وقۋشىدان ٸندەت شىعىپ, بەس مەكتەپتەگٸ 8 سىنىپ كارانتينگە جابىلدى, دەپ حابارلايدى "ۇلت اقپارات".
بقو سانيتارلىق-ەپيدەميولوگييالىق باقىلاۋ دەپارتامەنتٸ باسشىسىنىڭ ورىنباسارى نۇرلىبەك مۇستاەۆتىڭ ٶڭٸرلٸك كوممۋنيكاتسييالار قىزمەتٸ الاڭىندا ٶتكەن بريفينگٸدە مەلٸم ەتكەنٸندەي, ولاردىڭ 12-سٸندە اۋرۋ بەلگٸلەرٸ بولعان, قالعان 17-سٸندە سيمپتومسىز ٶتۋدە.
كوروناۆيرۋس بەس مەكتەپتٸڭ 8 سىنىبىندا انىقتالۋىنا بايلانىستى ناۋقاستارمەن قارىم-قاتىناستا بولعان وقۋشىلار مەن مۇعالٸمدەر ٷيلەرٸندە وقشاۋلاندى. ورال قالاسى مەن اۋدانداردىڭ باس سانيتار دەرٸگەرلەرٸنٸڭ قاۋلىسىنا سەيكەس بەس مەكتەپتٸڭ 8 سىنىبى كارانتينگە جابىلدى.
وقۋشىلار اۋرۋدى وتباسى مٷشەلەرٸ مەن تۋىسقاندارىنان جۇقتىرعان.
بالاباقشا مەكەمەلەرٸندە جەلتوقسان ايىندا كوۆيد تٸركەلگەن جوق. سونداي-اق, ٶڭٸردەگٸ مەديتسينالىق مەكەمەلەر دە شتاتتىق رەجيمدە جۇمىس ٸستەۋدە.
نۇرلىبەك ەرمەكۇلىنىڭ ايتۋىنشا, وبلىستا 1 جەلتوقساننان بەرٸ بارلىعى 370 ادامنىڭ اۋىرعانى تٸركەلسە, سونىڭ 215-ٸ نەمەسە 58,1 پايىزى ورال قالاسىنىڭ ٷلەسٸنە تيەدٸ. سول سەكٸلدٸ بٶرلٸ اۋدانىندا – 54, بەيتەرەكتە – 49, اقجايىقتا – 10, تەرەكتٸدە – 7, تاسقالادا – 6, جاڭاقالا مەن بٶكەي ورداسىندا – 5, شىڭعىرلاۋدا – 4, سىرىمدا 1 ادام سىرقاتتانعان. جەنٸبەك پەن قاراتٶبە اۋداندارىندا بۇل ايدا ٸندەت تٸركەلگەن جوق.
وبلىس بويىنشا جالپى ٸندەت جۇقتىرعاندار سانى 8447-گە جەتٸپ, سونىڭ 7505-ٸ ساۋىعىپ شىقسا, 144-ٸ كٶز جۇمدى.
