باتىس قازاقستان وبلىسىندا 20 ەلدٸ مەكەندٸ سۋ باسۋ قاۋپٸ سەيٸلمەي وتىر. بۇل تۋرالى كٶكتەمگٸ سۋ تاسقىنىنا قارسى شارالارعا ارنالعان بريفينگتە ايتىلدى, دەپ حابارلايدى قازاقپارات تٸلشٸسٸ.
وبلىس ەكٸمٸنٸڭ ورىنباسارى باعدات ازباەۆتىڭ سٶزٸنە قاراعاندا, تاسقالا, بەيتەرەك اۋداندارى مەن ورال قالاسى ماڭىنداعى ەلدٸ مەكەندەرگە كٶبٸرەك قاۋٸپ تٶنٸپ تۇر.
بيىل قار مول تٷستٸ. مۇنداي جاعداي سوڭعى وتىز جىلدان استام ۋاقىتتان بەرٸ ورىن الماعان ەدٸ.
«قازگيدرومەت» رمك دەرەكتەرٸ بويىنشا بيىلعى اقپاندا ٶزەن-كٶلدەردەگٸ ىلعال قورى 50-100 پايىزعا جوعارى بولدى. قار 1,5-3 ەسە كٶپ تٷستٸ. توپىراقتىڭ قاتۋ تەرەڭدٸگٸ 30-50 سانتيمەتردٸ قۇرادى.
باستاپقىدا وبلىستا 36 مىڭنان استام ادام تۇراتىن 88 ەلدٸ مەكەندٸ سۋ باسۋ قاۋپٸ بار دەلٸنسە, قازٸر ول 20-عا دەيٸن تٶمەندەدٸ.
وبلىس كٶلەمٸندە قالا مەن اۋىلداردان 1,5 ملن استام تەكشە مەتر قار شىعارىلىپ, 56 مىڭ تەكشە مەتر سۋ سورىلدى. 110 مىڭ مەتر ارنا, ارىقتار تازارتىلىپ, بٶگەت بەكٸتۋ, مۇز كەسۋ جۇمىستارى دا جٷرگٸزٸلدٸ.
كٶكتەمگٸ سۋ تاسقىنىنا قارسى شارالارعا 885 ملن تەڭگە بٶلٸندٸ.
ورال قالاسىنىڭ ەكٸمٸ مۇرات مۇقاەۆ شاھارداعى كوممۋنالدىق مەكەمەلەردٸڭ 19 قاراشادا قار تٷسكەننەن بەرٸ تٶرت اي بويى تىنىم تاپپاي جۇمىس جاساعانىن جەتكٸزدٸ. بۇل جۇمىستارعا 400-گە جۋىق قىزمەتكەر, 350-دەن استام تەحنيكا جۇمىلدىرىلدى. بۇرىن قار جينايتىن 2 پوليگون بولسا, بيىل ونىڭ سانى جەتەۋگە جەتٸپ, بەرٸ دە قارعا تولدى. بۇعان «جايىق تازا قالا», «ورال تازا سەرۆيس» مەكەمەلەرٸ مەن قۇرىلىس, جول كومپانييالارى سٷبەلٸ ٷلەس قوسقانىن ايتۋعا بولادى.
بقو تج دەپارتامەنتٸنٸڭ باستىعى جاسۇلان جۇماشەۆتٸڭ ايتۋىنشا, ٶڭٸردەگٸ ٶزەندەردٸڭ دەنٸ باستاۋىن رەسەيدەن الاتىندىقتان, ساراتوۆ جەنە ورىنبور وبلىستارىنداعى ەرٸپتەستەرمەن سۋ تاسقىنىن قاۋٸپسٸز ٶتكٸزۋ, ۆارفولومەەۆ جەنە يريكلا سۋ قويمالارىن تيٸمدٸ پايدالانۋ باعىتىندا تۇراقتى بايلانىس جولعا قويىلعان.
سامارا قالاسىنداعى پريۆولجە گيدرومەتەورولوگييا جەنە قورشاعان ورتاعا مونيتورينگ جٷرگٸزۋ باسقارماسىنىڭ دەرەكتەرٸنە قاراعاندا, جايىق ٶزەنٸندەگٸ سۋ دەڭگەيٸ (ورال قالاسى مەن كٶشٸم اۋىلى تۇسىندا) 400-500 سانتيمەترگە (قاۋٸپتٸ دەڭگەي - 850 سم) كٶتەرٸلەدٸ دەپ بولجانۋدا. سۋ تاسقىنى 4-10 سەۋٸر ارالىعىندا بولماقشى.
قاراٶزەن مەن سارىٶزەندە كٶكتەمگٸ سۋ تاسقىنى قالىپتاعىدان جوعارى, بٸراق قاۋٸپ تٶندٸرمەيدٸ دەپ بولجانۋدا.
وبلىس اۋماعىندا بارلىعى 58 گيدروتەحنيكالىق قۇرىلىم بولسا, سونىڭ 24-ٸ رەسپۋبليكالىق مەنشٸككە جاتادى. رەسپۋبليكالىق قۇرىلىمدارداعى ورتاشا سۋ تولۋ كٶرسەتكٸشٸ - 42 پايىز. بارلىعى 7 گيدروتەحنيكالىق قۇرىلىم جٶندەۋدٸ قاجەت ەتەدٸ.
بيىلعى 25 اقپاننان باستاپ ٶزەندەردە مۇز كەسۋ جۇمىستارى جٷرگٸزٸلدٸ. مىسالى, دەركٶل جەنە شاعان ٶزەندەرٸندە 28420 ويىق ويىلىپ, 215,2 مىڭ تەكشە مەتر مۇز كەسٸلدٸ.
مۇز كەسۋ جۇمىستارى ەكولوگييا جاعىنان دا تيٸمدٸ, ياعني قورشاعان ورتاعا زييانىن تيگٸزبەيدٸ.
«سۋ تاسقىنى بولا قالعان جاعدايدا 2443 ادام, 707 تەحنيكا, 51 جٷزۋ قۇرالى, 266 موتوپومپا ەزٸر. سونداي-اق 156 توننا جانار-جاعار ماي, 125 مىڭ دانا قاپ, 18 مىڭ توننا ينەرتتٸ ماتەريالدار بار. وبلىستىق بيۋدجەتتەن اەروۆيزۋالدىق تەكسەرۋلەر جٷرگٸزۋگە تٸكۇشاق تارتۋ ٷشٸن 14,6 ملن, عارىشتىق مونيتورينگ جاساۋعا 6,5 ملن تەڭگە قارالعان. وبلىس بويىنشا 50, سونىڭ ٸشٸندە ورال قالاسىندا 28 ەۆاكۋاتسييالىق قوسىن بەلگٸلەندٸ», دەدٸ جاسۇلان جۇماشەۆ.
