فوتو: te-st.org
باتىس قازاقستان وبلىسى تەرەكتٸ اۋدانى پروكۋراتۋراسىنىڭ ۇسىنىسى بويىنشا 14 مەكتەپ ديرەكتورى ەكٸمشٸلٸك جاۋاپكەرشٸلٸككە تارتىلدى, - دەپ حابارلايدى "ۇلت اقپارات" ۆەدومستۆونىڭ باسپاسٶز قىزمەتٸنە سٸلتەمە جاساپ.
اۋدان پروكۋراتۋراسى جٷرگٸزگەن تالداۋ بارىسىندا كەمەلەتكە تولماعان وقۋشىلاردىڭ بٸلٸم بەرۋ مەكەمەسٸ قابىرعاسىندا (14 مەكتەپتٸڭ ينفورماتيكا كابينەتٸندە - ەسك.) تىيىم سالىنعان ينتەرنەت-كونتەنتتەرگە ەركٸن قول جەتكٸزۋ فاكتٸلەرٸ انىقتالعان.
"وسىلايشا, مونيتورينگ بارىسىندا كەمەلەتكە تولماعانداردىڭ سۋيتسيد پەن زورلىق-زومبىلىق كٶرٸنٸستەرٸ بار ەرتٷرلٸ سايتقا ەركٸن كٸرۋ مٷمكٸندٸگٸ بولعانى انىقتالدى.
جول بەرٸلگەن تەرتٸپ بۇزۋشىلىقتار ٷشٸن وبلىستىڭ بٸلٸم سالاسىنداعى ساپانى قامتاماسىز ەتۋ دەپارتامەنتٸنە پروكۋرورلىق قاداعالاۋ اكتٸسٸ ەنگٸزٸلدٸ. ونىڭ نەتيجەلەرٸ بويىنشا ەكٸمشٸلٸك قۇقىقبۇزۋشىلىق تۋرالى كودەكستٸڭ 409-بابىنىڭ 7-2-بٶلٸگٸ بويىنشا ەكٸمشٸلٸك جاۋاپكەرشٸلٸككە 14 مەكتەپ ديرەكتورى تارتىلدى" - دەلٸنگەن حابارلامادا.
بٷگٸنگٸ تاڭدا پروكۋرورلىق قاداعالاۋ اكتٸسٸمەن اۋداننىڭ بارلىق بٸلٸم بەرۋ مەكەمەسٸندە وسىنداي ينتەرنەت-سايتتارعا كٸرۋگە شەكتەۋلەر قويىلعان.
