باتىس قازاقستان وبلىسى ەكٸمدٸگٸنٸڭ شەنەۋنٸكتەرٸ ٶز رەسمي جالاقىسى جايلى مەلٸمەتتەردٸ جاپپاي جارييالاي باستادى. ولاردىڭ جىلدىق كٸرٸس مٶلشەرٸ 8 ميلليون تەڭگەگە دەيٸن جەتەدٸ.
ەكٸم مەن ورىنباسارلارىنىڭ جالاقىسى
ماۋسىم ايىنىڭ ورتاسىندا باتىس قازاقستان وبلىسىندا (بقو) ٶز كٸرٸسٸ جايلى مەلٸمەتتەردٸ ايماق باسشىلارى بٸرٸنشٸ بولىپ جارييالادى. وبلىس ەكٸمدٸگٸ رەسمي سايتىنىڭ دەرەگٸنشە, بقو ەكٸمٸ التاي كٶلگٸنوۆتٸڭ ايلىق جالاقىسى – 742 527 تەڭگە. كٶلگٸنوۆ بيىل ناۋرىزدىڭ اياعىندا وسى قىزمەتكە تاعايىندالعاننان بەرٸ وسىنداي جالاقى الا باستاعان. ول 2013 جىلدان بەرٸ ورال قالاسى ەكٸمٸ قىزمەتٸن اتقارعان ەرٸ ول كەزدە ونىڭ جىلدىق كٸرٸسٸ بەس ميلليون 288 مىڭ تەڭگەنٸ قۇراعان.
جارييا اقپاراتقا قاراعاندا, التاي كٶلگٸنوۆتٸڭ تٶرت ورىنباسارىنىڭ ايلىق ەڭبەكاقىسى مىناداي: ارمان ٶتەعۇلوۆ – 554 715 تەڭگە, مارات توقجانوۆ پەن بيبٸگٷل قونىسباەۆا ەكەۋٸنٸڭ ەرقايسىسى – 518 767 تەڭگە, ال يگور ستەكسوۆ – 404 079 تەڭگە جالاقى الادى. ورال قالاسى ەكٸمٸ ناريمان تٶرەعاليەۆتٸڭ ايلىق ەڭبەكاقىسى 380 515 تەڭگە. قالا باسشىسىنىڭ بىلتىرعى رەسمي تابىسى – بەس ميلليون 233 مىڭ تەڭگە بولعان.
باتىس قازاقستان وبلىسى ەكٸمٸ التاي كٶلگٸنوۆ. ورال, 5 سەۋٸر 2016 جىل.
2013 جىلى بقو ەكٸمٸ بولعان نۇرلان نوعاەۆ (اتىراۋ وبلىسىنىڭ قازٸرگٸ ەكٸمٸ) ايلىق جالاقىسى 461 مىڭ تەڭگە ەكەنٸن ايتقان.
«جارييالاماعاندار» دا بار
وبلىس ەكٸمدٸگٸنٸڭ باستاماسىن وبلىستىق باسقارما, دەپارتامەنت باسشىلارى ٸلٸپ ەكەتٸپ, شەنەۋنٸكتەر كٸرٸستەرٸن ٶز قۇرىلىمدارىنىڭ رەسمي سايتتارىندا جارييالاي باستادى.
مىسالى, مەملەكەتتٸك سەۋلەت-قۇرىلىس باقىلاۋ باسقارماسى (گاسك) باستىعى احمەت گۋبايدۋلليننٸڭ جىلدىق كٸرٸسٸ ٷش ميلليون 68 مىڭ تەڭگەنٸ قۇرايدى. سايت ونىڭ مەنشٸگٸندە جىلجىمايتىن جەنە جىلجىمالى مٷلٸك جوق دەپ حابارلايدى.
جەردٸ پايدالانۋ مەن قورعاۋدى باقىلاۋ باسقارماسىنىڭ باسشىسى سالاۋات نۇرعاليەۆتٸڭ ايلىق جالاقىسى – 246 515 تەڭگە, ول 2015 جىلى جيىنى ەكٸ ميلليون 853 مىڭ تەڭگە جالاقى العان.
جاستار ساياساتى مەسەلەلەرٸ باسقارماسىنىڭ باستىعى ازامات ايتۋەۆتٸڭ 2015 جىلعى كٸرٸسٸ ەكٸ ميلليون 514 مىڭ تەڭگەنٸ قۇراعان. 2014 جىلى ايتۋەۆ بۇدان سەل از – ەكٸ ميلليون 169 مىڭ تەڭگە تاپقان. شەنەۋنٸك سونىمەن بٸرگە ورالدا جەكە مەنشٸك ٷيٸ بارىن كٶرسەتكەن.
دٸن ٸستەرٸ باسقارماسىنىڭ باستىعى تالعات نىعمەتوۆ ايىنا 201 963 مىڭ تەڭگە الادى. بىلتىر ونىڭ تابىسى ەكٸ ميلليون 598 مىڭ تەڭگە بولعان.
جولاۋشىلار تاسىمالى جەنە اۆتوموبيل جولدارى باسقارماسىنىڭ باسشىسى مارات قۋانىشەليەۆتٸڭ ورالدا جەكە مەنشٸك ٷيٸ, «ۆودنيك» كووپەراتيۆٸندە گاراجى, قالا شەتٸندەگٸ دەرقۇل كەنتٸندە سەگٸز سوتىق جەرٸ بار. قۋانىشەليەۆتٸڭ 2015 جىلعى كٸرٸسٸ – ەكٸ ميلليون 264 مىڭ تەڭگە.
باتىس قازاقستان وبلىسى ەكٸمٸ التاي كٶلگٸنوۆ (ورتادا) جول پايدالانۋ كەسٸپورنى ۇجىمىمەن بٸرگە سۋرەتكە تٷسٸپ تۇر. ورال, 9 سەۋٸر 2016 جىل.
جەر قاتىناستارى باسقارماسى باستىعى ەلييا مۇحانبەتجانوۆا بىلتىر ەكٸ ميلليون 699 مىڭ تەڭگە تاپقان. ميچۋرينو اۋىلىندا التى سوتىق جەرٸمەن قوسا تۇرعىن ٷيٸ, Nissan Tiida اۆتوموبيلٸ (2011 جىلى شىققان) بار.
دەنساۋلىق ساقتاۋ باسقارماسىنىڭ باسشىسى قاميدوللا ەرمەنوۆ ايىنا 246 515 تەڭگە الادى. ەرمەنوۆتٸڭ 2015 جىلعى كٸرٸسٸ – ەكٸ ميلليون 893 مىڭ تەڭگە.
رەسمي سايتىندا «باسشىلىقتىڭ كٸرٸستەرٸ تۋرالى اقپارات» دەگەن ايدارى بار جالعىز باسقارما – ەكونوميكا جەنە بيۋدجەتتٸك جوسپارلاۋ باسقارماسى. سايتتا باسقارما باستىعى قايسار ماڭقاراەۆتىڭ ايىنا 224 028 تەڭگە جالاقى الاتىنى كٶرسەتٸلگەن.
ال مەملەكەتتٸك ساتىپ الۋلار, ەنەرگەتيكا جەنە تۇرعىن ٷي-كوممۋنالدىق شارۋاشىلىق, قۇرىلىس, تٸلدەردٸ دامىتۋ, تابيعي رەسۋرستار جەنە تابيعاتتى پايدالانۋدى رەتتەۋ, دەنە شىنىقتىرۋ جەنە سپورت, ٸشكٸ ساياسات, كەسٸپكەرلٸك جەنە يندۋستريالدى-يننوۆاتسييالىق دامۋ, جۇمىسپەن قامتۋدى ٷيلەستٸرۋ جەنە ەلەۋمەتتٸك باعدارلامالار, مەدەنيەت, مۇراعاتتار جەنە قۇجاتتاۋ, بٸلٸم, قارجى جەنە ەڭبەك ينسپەكتسيياسى باسقارمالارى سايتتارىنان باسشىلاردىڭ كٸرٸسٸ جايلى مەلٸمەتتەر تابىلمادى.
