Batys Qazaqstan oblysy ákimdiginiń sheneýnikteri óz resmi jalaqysy jaily málimetterdi jappai jariialai bastady. Olardyń jyldyq kiris mólsheri 8 million teńgege deiin jetedi.
ÁKIM MEN ORYNBASARLARYNYŃ JALAQYSY
Maýsym aiynyń ortasynda Batys Qazaqstan oblysynda (BQO) óz kirisi jaily málimetterdi aimaq basshylary birinshi bolyp jariialady. Oblys ákimdigi resmi saitynyń dereginshe, BQO ákimi Altai Kólginovtiń ailyq jalaqysy – 742 527 teńge. Kólginov biyl naýryzdyń aiaǵynda osy qyzmetke taǵaiyndalǵannan beri osyndai jalaqy ala bastaǵan. Ol 2013 jyldan beri Oral qalasy ákimi qyzmetin atqarǵan ári ol kezde onyń jyldyq kirisi bes million 288 myń teńgeni quraǵan.
Jariia aqparatqa qaraǵanda, Altai Kólginovtiń tórt orynbasarynyń ailyq eńbekaqysy mynadai: Arman Óteǵulov – 554 715 teńge, Marat Toqjanov pen Bibigúl Qonysbaeva ekeýiniń árqaisysy – 518 767 teńge, al Igor Steksov – 404 079 teńge jalaqy alady. Oral qalasy ákimi Nariman Tóreǵalievtiń ailyq eńbekaqysy 380 515 teńge. Qala basshysynyń byltyrǵy resmi tabysy – bes million 233 myń teńge bolǵan.
Batys Qazaqstan oblysy ákimi Altai Kólginov. Oral, 5 sáýir 2016 jyl.
2013 jyly BQO ákimi bolǵan Nurlan Noǵaev (Atyraý oblysynyń qazirgi ákimi) ailyq jalaqysy 461 myń teńge ekenin aitqan.
«JARIIaLAMAǴANDAR» DA BAR
Oblys ákimdiginiń bastamasyn oblystyq basqarma, departament basshylary ilip áketip, sheneýnikter kiristerin óz qurylymdarynyń resmi saittarynda jariialai bastady.
Mysaly, memlekettik sáýlet-qurylys baqylaý basqarmasy (GASK) bastyǵy Ahmet Gýbaidýllinniń jyldyq kirisi úsh million 68 myń teńgeni quraidy. Sait onyń menshiginde jyljymaityn jáne jyljymaly múlik joq dep habarlaidy.
Jerdi paidalaný men qorǵaýdy baqylaý basqarmasynyń basshysy Salaýat Nurǵalievtiń ailyq jalaqysy – 246 515 teńge, ol 2015 jyly jiyny eki million 853 myń teńge jalaqy alǵan.
Jastar saiasaty máseleleri basqarmasynyń bastyǵy Azamat Aitýevtiń 2015 jylǵy kirisi eki million 514 myń teńgeni quraǵan. 2014 jyly Aitýev budan sál az – eki million 169 myń teńge tapqan. Sheneýnik sonymen birge Oralda jeke menshik úii baryn kórsetken.
Din isteri basqarmasynyń bastyǵy Talǵat Nyǵmetov aiyna 201 963 myń teńge alady. Byltyr onyń tabysy eki million 598 myń teńge bolǵan.
Jolaýshylar tasymaly jáne avtomobil joldary basqarmasynyń basshysy Marat Qýanyshálievtiń Oralda jeke menshik úii, «Vodnik» kooperativinde garajy, qala shetindegi Derqul kentinde segiz sotyq jeri bar. Qýanyshálievtiń 2015 jylǵy kirisi – eki million 264 myń teńge.
Batys Qazaqstan oblysy ákimi Altai Kólginov (ortada) jol paidalaný kásiporny ujymymen birge sýretke túsip tur. Oral, 9 sáýir 2016 jyl.
Jer qatynastary basqarmasy bastyǵy Áliia Muhanbetjanova byltyr eki million 699 myń teńge tapqan. Michýrino aýylynda alty sotyq jerimen qosa turǵyn úii, Nissan Tiida avtomobili (2011 jyly shyqqan) bar.
Densaýlyq saqtaý basqarmasynyń basshysy Qamidolla Ermenov aiyna 246 515 teńge alady. Ermenovtiń 2015 jylǵy kirisi – eki million 893 myń teńge.
Resmi saitynda «Basshylyqtyń kiristeri týraly aqparat» degen aidary bar jalǵyz basqarma – ekonomika jáne biýdjettik josparlaý basqarmasy. Saitta basqarma bastyǵy Qaisar Mańqaraevtyń aiyna 224 028 teńge jalaqy alatyny kórsetilgen.
Al memlekettik satyp alýlar, energetika jáne turǵyn úi-kommýnaldyq sharýashylyq, qurylys, tilderdi damytý, tabiǵi resýrstar jáne tabiǵatty paidalanýdy retteý, dene shynyqtyrý jáne sport, ishki saiasat, kásipkerlik jáne indýstrialdy-innovatsiialyq damý, jumyspen qamtýdy úilestirý jáne áleýmettik baǵdarlamalar, mádeniet, muraǵattar jáne qujattaý, bilim, qarjy jáne eńbek inspektsiiasy basqarmalary saittarynan basshylardyń kirisi jaily málimetter tabylmady.
