باتىس قازاقستان وبلىسىنىڭ ەكٸمٸ عالي ەسقاليەۆ ورال قالاسىندا اۋىز سۋدى شەكتەپ بەرۋ ەلٸ دە جالعاساتىنىن مەلٸم ەتتٸ, دەپ حابارلايدى "ۇلت اقپارات".
جاز باستالعاننان بەرٸ سۋ ٷيلەرگە شەكتەۋلٸ مەرزٸمدە بەرٸلۋدە. ەسٸرەسە, جوعارى قاباتتا تۇراتىن تۇرعىندار سۋدىڭ جوقتىعىنا جيٸ شاعىمدانادى. ونىڭ ٷستٸنە سوڭعى كەزدە كٷننٸڭ قاتتى ىسىپ كەتۋٸ حالىققا قيىن تيٸپ وتىر.
وبلىس ەكٸمٸ عالي ەسقاليەۆتٸڭ ايتۋىنشا, ٶتكەن جىلدان بەرٸ كەرٸز قۇبىرلارىندا اپات جيٸلەپ كەتتٸ. قازٸرگٸ تاڭدا م.شولوحوۆ كٶشەسٸ بويىندا 5 كم قۇبىردى اۋىستىرۋ جۇمىستارى جٷرگٸزٸلۋدە. بۇل قالاداعى ەسكٸ قۇبىرلارعا كٷش تٷسٸرۋدە.
قازٸر كارانتينگە بايلانىستى تۇرعىنداردىڭ كٶپشٸلٸگٸ ٷيلەرٸندە وتىر. وعان قوسا جەكە تۇرعىن ٷيدەگٸلەر سۋدى باقشا سۋارۋعا پايدالانۋدا. وسىنىڭ سالدارىنان سۋدى تۇتىنۋ مٶلشەرٸ ارتتى.
«كٷنٸ بٷگٸن اۋىز مەسەلەسٸن شەشۋ باعىتىندا قوسىمشا شارالاردى قولعا الىپ جاتىرمىز. ايتالىق, «جايىقجىلۋقۋات» اق-دان جىلۋ-ەلەكتر ورتالىعىندا تەمپەراتۋرانى تٶمەندەتۋ ەسەبٸنەن قوسىمشا سۋ بەرۋ مەسەلەسٸ شەشٸلدٸ. قوسىمشا سورعى ٸسكە قوسىلدى. دەگەنمەن سۋدى ۋاقىت بويىنشا شەكتەپ بەرۋ جالعاساتىن بولادى», - دەدٸ ٶڭٸر باسشىسى.
«باتىس سۋ ارناسى» جشس باس ديرەكتورى قايىرعالي يماشەۆتٸڭ سٶزٸنە قاراعاندا, قازٸرگٸ تاڭدا كەسٸپورىن تولىق قۋاتىندا جۇمىس جاساپ جاتقانىمەن, تەۋلٸگٸنە 56 مىڭ تەكشە مەتر سۋ قالا قاجەتٸن ٶتەي المايدى. قالادا جاڭا شاعىناۋداندار بوي كٶتەرۋدە. قازٸردٸڭ ٶزٸندە تەۋلٸگٸنە 65-70 مىڭ تەكشە مەتر سۋ قاجەت.
«جاڭا سۋ قويماسىن سالۋ ٷشٸن بٸرنەشە جىل كەرەك. توقپاي كەنٸشٸندەگٸ سۋ قورىن زەرتتەۋدٸڭ ٶزٸنە ەكٸ جىل كەرەك. ال ترەكين اۋىلى ماڭىنداعى كەنٸشتە 11 سكۆاجينا قازىپ, سورعىلارىمەن جاڭا رەزەرۆۋار قويساق, سۋ جەتكٸلٸكتٸ بولار ەدٸ. بۇل ٷشٸن شامامەن 24 ملرد تەڭگە قارجى كەرەك. قازٸر جوبا دايىندالۋدا», - دەدٸ ق.يماشەۆ.
«باتىس سۋ ارناسى» جشس باسشىسى قالا تۇرعىندارى باقشالارىن اۋىز سۋمەن سۋارۋدى توقتاتسا, سۋ جەتكٸلٸكتٸ بولاتىنىن جەتكٸزدٸ. وسىعان بايلانىستى قالا ەكٸمٸنٸڭ ورىنباسارى ميراس مٷلكەي جەكە تۇرعىن ٷيلەرگە دە سۋدى شەكتەپ بەرۋ مەسەلەسٸ قاراستىرىلىپ جاتقاندىعىن ايتتى.
