فوتو: azh.kz
باتىس قازاقستان وبلىسى ەكٸمٸ ناريمان تٶرەعاليەۆ اقساي قالاسىنداعى KKS-Sicim كومپانيياسى جۇمىسشىلارى جالاقىنى 50 پايىز ٶسٸرۋ تۋرالى تالابىمەن كەلٸسپەيدٸ. بۇل تۋرالى ەكٸم سەيسەنبٸ, 17 قاڭتاردا ٷكٸمەت وتىرىسىنا قاتىسقاننان كەيٸن جۋرناليستەر سۇراعىنا بەرگەن جاۋابىندا ايتتى, دەپ حابارلايدى ازاتتىق.
– تالاپتارى ورىنسىز دەپ ويلايمىن. سەبەبٸ ولاردىڭ ۇجىمدىق كەلٸسٸمشارتى بار, ونىڭ سىرتىندا ەربٸر جۇمىسشى مەن جۇمىس بەرۋشٸ اراسىندا جاسالعان جەكە كەلٸسٸمشارت بار. سوندىقتان سول كەلٸسٸمشارتتاردا قارالعان ەكٸجاقتى مٸندەتتەمەلەردە جالاقىنى 50 پايىز نەمەسە 100 پايىز كٶتەرۋ دەگەن جوق. كەلٸسٸمشارتتا 20 پايىز دەگەن عانا بار. سوندىقتان دا (تالاپتارى) ورىنسىز, – دەدٸ ناريمان تٶرەعاليەۆ.
بقو ەكٸمٸنٸڭ سٶزٸنشە, مەكەمەدە ورتاشا جالاقى - 280 مىڭ تەڭگە, «ەڭ جوعارعى جالاقى 800 مىڭعا دەيٸن بارادى».
– (جۇمىسشىلار جالاقىنى 20 پايىز كٶتەرۋگە) كەلٸسپەسە, ەرٸ قاراي كەلٸسٸم جٷرگٸزەمٸز. ەرتەڭ كەشكە ەڭ ٷلكەن باسشىسى يتالييادان كەلەدٸ, شاقىرىپ جاتىرمىز. سول كەلگەن سوڭ تاعى سٶيلەسەمٸز, – دەدٸ تٶرەعاليەۆ.
بۇعان قوسا ەكٸم زاڭعا سٸلتەپ, جۇمىسشىلار جۇمىسقا شىعۋى تيٸس, ەگەر شىقپايتىن بولسا شارا قابىلدانادى دەپ ەسكەرتتٸ. سٶزٸنشە, ٷش مىڭداي جۇمىسشىسى بار KKS-Sicim كومپانيياسىنىڭ بەس جٷزگە جۋىق جۇمىسشىسى ەرەۋٸلدەپ, جۇمىسقا شىقپاعان.
16 قاڭتاردا باتىس قازاقستان وبلىسى بٶرلٸ اۋدانى اقساي قالاسىنداعى قاراشىعاناق كەن ورنىندا KKS-Sicim جاۋاپكرشٸلٸگٸ شەكتەۋلٸ سەرٸكتەستٸگٸنٸڭ بٸرنەشە جٷز جۇمىسشىسى تاڭەرتەڭگٸ ساعات التىدا ەرەۋٸل باستاعان. جالاقىنى ەلۋ پايىز كٶبەيتۋدٸ تالاپ ەتكەن ولار جۇمىسقا شىعۋدان باس تارتقان.
