قازاقستاندىق تانىمال پروديۋسەر, رەجيسسەر نۇرتاس ادامباي قيىن-قىستاۋ زاماندا ٸرٸ بيزنەس ٶكٸلدەرٸ حالىق پروبلەماسىنان الشاقتاماعانى جٶن دەگەن پٸكٸر بٸلدٸردٸ, دەپ حابارلايدى "ۇلت اقپارات".
«مەملەكەت ەزٸرگە شەشٸم قابىلداپ, قاراپايىم حالىق اۋرۋمەن, ٶمٸرمەن كٷرەسٸپ جاتقاندا ميللياردتاعان اقشاسى بار بيزنەسمەندەر, ونىڭ ٸشٸندە «فوربس»-قا كٸرەتٸن اۋقاتتى جاندار جاعدايدى سىرتتان باقىلاپ وتىرماۋى تيٸس. ولار وسى قازاق جەرٸ مەن ەلٸنٸڭ ارقاسىندا ٶز ميللياردتارىن تاۋىپ, جەتٸستٸككە جەتتٸ. دەل وسى سەت - باي-قۋاتتى جانداردىڭ ادامگەرشٸلٸگٸ مەن مەيٸرٸمٸن كٶرسەتۋگە جاقسى مٷمكٸندٸك. مٷمكٸن مەن قارابايىر دٷنيەنٸ ايتىپ تۇرعان شىعارمىن, دەگەنمەن ولار ميللياردتاعان اقشالارىن ٶمٸر بويى جۇمساپ بٸتٸرە المايتىنى بەلگٸلٸ. وسىنداي قيىن سەتتە نەگە قولۇشىن سوزباسقا? بيزنەس حالىقتىڭ پروبلەماسىنان الشاقتاماۋى تيٸس. ايتپاعىم, ٸرٸ بيزنەستٸڭ ٶكٸلدەرٸ ازاماتتارعا قولعابىس تيگٸزسە ەكەن دەيمٸن. بەرٸن ايتپاعاننىڭ ٶزٸندە بٸر عانا باي ادام جاعدايىمەن بٷكٸل مەسەلەنٸ شەشە الار ەدٸ», - دەدٸ نۇرتاس ادامباي قر سىبايلاس جەمقورلىققا قارسى قىزمەتٸنٸڭ ۇيىمداستىرۋىمەن ٶتكەن ونلاين مەسليحاتىندا.
بەلگٸلٸ ٶنەر جۇلدىزىنىڭ ايتۋىنشا, جەكە ەلەۋمەتتٸك پاراقشاسىنداعى بيزنەستٸڭ جاۋاپكەرشٸلٸگٸ تۋرالى جازباسىنان كەيٸن, وعان نيەتتٸ ادامدار قولۇشىن سوزۋ ماقساتىندا حابارلاسقان.
«ماعان جەكە ەلەۋمەتتٸك پاراقشام ارقىلى نەمەسە جازبالارىمنىڭ استىنا پٸكٸر رەتٸندە كٶپتەگەن ازاماتتار كٶمەك سۇراپ جازادى. بٸرەۋٸ دەرٸ-دەرمەك سۇراسا, ەكٸنشٸسٸ ازىق-تٷلٸكتٸڭ جوقتىعىن ايتادى. وسى ورايدا جاقىن تانىس, جولداستارىممەن بٸرلەسٸپ مۇقتاج جاندارعا مەديتسينالىق قۇرالدار مەن قاجەتتٸلٸكتەردٸ ساتىپ الىپ بەرۋ جوسپارىمىزدا بار. قازٸرگٸ تاڭدا سونى ۇيىمداستىرۋ جۇمىستارىمەن اينالىسۋدامىز», - دەيدٸ ول.
