ورتا سالماقتا WBO-نىڭ ۋاقىتشا ەلەم چەمپيونى اتانعان جەنٸبەك ەلٸمحانۇلى (12-0, 8كو) وتانداسى گەنناديي گولوۆكينمەن جەكپە-جەك ٶتكٸزۋگە قاتىستى سۇراققا جاۋاپ بەردٸ, دەپ حابارلايدى Sputnik قازاقستان.
دەنني ديگنۋمعا قارسى جەكپە-جەكتەن كەيٸن جٷرگٸزۋشٸ وعان GGG-مەن جۇدىرىقتاسۋعا ۇسىنىس جاسادى.
"گولوۆكين ىلعي "مەكسيكالىق ستيل" كٶرسەتۋگە تىرىساتىنىن ايتادى. سەن بولساڭ, بٸزگە "قازاق ستيلٸن" كٶرسەتتٸڭ. گولوۆكينگە قارسى شىققىڭ كەلمەي مە?", - دەپ سۇرادى جٷرگٸزۋشٸ.
ەلٸمحانۇلى ورتا سالماقتاعى بارلىق تيتۋلدى جەڭٸپ الۋعا مٷددەلٸ ەكەنٸن جاسىرمادى.
"مەن قاشاندا "قازاق ستيلٸنٸڭ" قانداي ەكەنٸن كٶرسەتۋگە تىرىسىپ كەلەمٸن. بٸراق بٸزدٸڭ سالتىمىزدا جاسى كٸشٸلەر ٷلكەندەرمەن تٶبەلەسپەيدٸ. بەلكٸم, ول سۋپەر ورتا سالماققا اۋىساتىن شىعار. ال مەن ورتا سالماقتاعى بارلىق تيتۋلدى جينايمىن", - دەپ اتاپ ٶتتٸ قازاق بوكسشىسى.
جەنٸبەك ٶز ديۆيزيونىندا كەز كەلگەن چەمپيونمەن شىعۋعا دايىن ەكەنٸن اشىق ايتتى.
"چارلو, اندرادە... مەن قازٸر رينگتە تۇرىپ, وسى سالماقتاعى ەربٸر چەمپيوندى جەكپە-جەككە شاقىرامىن. وسىندامىن, سٸزدەردٸ كٷتٸپ تۇرمىن. ەربٸر چەمپيون كەلٸپ, مەنٸمەن كٷش سىناسىپ كٶرسٸن", - دەدٸ ول.
ايتا كەتەرٸ, بٷگٸن وتانداسىمىز لاس-ۆەگاس قالاسىندا بريتانييالىق دەنني ديگنۋممەن (14-0-1, 8 كو) قولعاپ تٷيٸستٸرگەن بولاتىن. ەلٸمحانۇلى بٸرٸنشٸ راۋندتا ديگنۋمدى نوكداۋنعا جٸبەردٸ. ال ەكٸنشٸ راۋندتا نوكاۋتقا تٷسٸردٸ. وسىلايشا قازاقستاندىق كەسٸپقوي بوكستاعى 12-شٸ جەڭٸسٸنە قول جەتكٸزٸپ, WBO نۇسقاسى بويىنشا ورتا سالماقتا "ۋاقىتشا" ەلەم چەمپيونى اتاندى. ال ديگنۋم كەسٸپقوي بوكستا العاش رەت جەڭٸلدٸ.
