فوتو: Sputnik/تيمۋر باتىرشين
بالا قۇقىقتارى جٶنٸندەگٸ ۋەكٸل دينارا زەكيەۆا يمامنىڭ ناماز كەزٸندە كٸشكەنتاي بالانى قولىمەن قاعىپ جٸبەرگەنٸنە قاتىستى پٸكٸر بٸلدٸردٸ, دەپ حابارلايدى "ۇلت اقپارات".
"بۇل كەشٸرۋگە بولمايتىن قاتىگەز ەرەكەت 24 سەۋٸر كٷنٸ ورىن العان. ۆيدەو تەك قازٸر عانا پايدا بولىپ, بۇل ادامعا قاتىستى قىلمىستىق ٸس تٸركەلدٸ.
وسى جاعدايعا قاتىستى باس مٷفتي ناۋرىزباي قاجىمەن سٶيلەستٸم, قاتىگەزدٸك تانىتقان ادام بٷگٸن جۇمىستان بوساتىلدى.
ونىڭ يمام ەكەنٸنە كەلەر بولساق, نەگٸزٸ يسلامدا ەيەلدەرگە, بالالارعا قۇرمەتپەن قاراۋ جەنە قامقور بولۋعا قاتىستى كٶپتەگەن حاديس پەن اياتتار بار. مىسالى, مۇحاممەد پايعامبار (س.ع.س) «ونىڭ نەمەرەسٸ ناماز كەزٸندە ونىڭ باسىنا وتىرعان كەزدە, سەجدەدەن باسىن كٶتەرمەگەن».
جالپى, ماعان ٸٸم-نەن رەسپۋبليكا بويىنشا تٷرلٸ زورلىق-زومبىلىق فاكتٸلەرٸنە قاتىستى دەرەكتەر جيناقتاماسى كٷندەلٸكتٸ كەلٸپ تۇرادى. بٸراق تٸركەلگەن فاكتٸلەرگە قاتىستى اقپارات قانا. ال جازاسىز قالىپ جاتقان فاكتٸلەر قانشاما, ولار كەيٸن كٶپ جاعدايدا قايعىلى سالدارلارعا ەكەلەدٸ" - دەپ جازدى ول ەلەۋمەتتٸك جەلٸدەگٸ پاراقشاسىندا.
زەكيەۆانىڭ سٶزٸنشە, بٸزدٸڭ ەرقايسىمىز بالالار قورعاۋشىسى بولۋىمىز كەرەك.
"ەگەر سٸز بالا قاۋٸپتە ەكەنٸن نەمەسە ونىڭ زورلىق-زومبىلىققا ۇشىراعانىن بٸلسەڭٸز, ۋەكٸلەتتٸ ورگاندارعا جەنە كەلەسٸ ايدىڭ ورتاسىندا جۇمىس ٸستەي باستايتىن 111 بٸرىڭعاي مەملەكەتتٸك بايلانىس ورتالىعى/سەنٸم تەلەفونىنا (اقپارات مٸندەتتٸ تٷردە بارلىق اقپارات كٶزدەرٸندە, مەكتەپتەردە ورنالاستىرىلادى) حابارلاسىڭىز.
قاتىگەزدٸك پەن زورلىق-زومبىلىققا تٶزبەۋشٸلٸك مەدەنيەتٸن بٸز وسىلاي عانا قالىپتاستىرا الامىز" - دەيدٸ بالا قۇقىقتارى جٶنٸندەگٸ ۋەكٸل.
