بٸز بولساق, لەۆيتكە چەمپيوندىق اتىقتىڭ سىرتىندا ۆەل باركەر كۋبوگىن بەرۋدٸ تالاپ ەتەر ەدٸك. بۇل تۋرالى بٷگٸن ۆاسيليي لەۆيتتٸڭ جەكپە-جەگٸنەن كەيٸن قىتاي تٸلشٸسٸ ايتىپ ٶتتٸ, دەپ حابارلايدى ريوداعى قازاقپارات تٸلشٸسٸ.
«بٸز بولساق, لەۆيتكە چەمپيوندىق اتىقتىڭ سىرتىندا ۆەل باركەر كۋبوگىن بەرۋدٸ تالاپ ەتەر ەدٸك. ول بٷگٸن ٶتە كەرەمەت بوكس كەشٸن سىيلادى. ول جەڭٸلگەن جوق. قارسىلاسى رەسەيلٸك بوكسشىنى تازا ۇتتى. تەحنيكالىق جاعىنان دا ٶتە كەرەمەت ٶنەر كٶرسەتتٸ. جالپى لەۆيت قانا ەمەس, بارلىق قازاق بوكسشىلارى ٶتە كەرەمەت. مەن ٶز باسىم قازاق ەلٸنٸڭ بوكسشىلارىنا ٶتە رازىمىن», - دەپ اتاپ ٶتتٸ ٶزٸن حۋ ەن دەپ دەپ تانىستىرعان قىتايلىق تٸلشٸ.
سونداي-اق, قازاق بوكسشىلارىنا دەگەن العىسىن ايتىپ ٶتتٸ ول.
«مەن سپورتشى ەمەسپٸن. الايدا, سپورت تٸلشٸسٸمٸن. كٶپ نەرسەنٸ بٸلەمٸن. جالپى سپورتتى ٶتە جاقسى تٷسٸنەم. سوندىقتان, لەۆيتتٸ تٶرەشٸلەر تٸزەدەن ۇرعانىن كٶردٸم. وعان وبال بولدى. التىن مەن كٷمٸستٸڭ سالماعى بٶلەك. سول ٷشٸن قازاق بوكسشىسىن ايايمىن. ەگەر لەۆيت بٸزدٸڭ بالا بولسا, مەن چەمپيوندىق اتاقتان بٶلەك ۆەل باركەر كۋبوگىن قوسا بەرۋدٸ ايبا-دان تالاپ ەتەر ەدٸم. رينگكە بارىپ جاتىپ الار ەدٸم ەدٸم. سٸزدەردٸ تٷسٸنبەدٸم. لەۆيت تە كٷمٸسٸنە قاناعات تۇتىپ جٷر. نەگٸزٸ, ولاي بولماۋى كەرەك ەدٸ», - دەپ اتاپ ٶتتٸ قىتايلىق جۋرناليست.
