Biz bolsaq, Levitke chempiondyq atyqtyń syrtynda Vel Barker kýbogyn berýdi talap eter edik. Bul týraly búgin Vasilii Levittiń jekpe-jeginen keiin qytai tilshisi aityp ótti, dep habarlaidy Riodaǵy QazAqparat tilshisi.
«Biz bolsaq, Levitke chempiondyq atyqtyń syrtynda Vel Barker kýbogyn berýdi talap eter edik. Ol búgin óte keremet boks keshin syilady. Ol jeńilgen joq. Qarsylasy reseilik boksshyny taza utty. Tehnikalyq jaǵynan da óte keremet óner kórsetti. Jalpy Levit qana emes, barlyq qazaq boksshylary óte keremet. Men óz basym qazaq eliniń boksshylaryna óte razymyn», - dep atap ótti ózin Hý En dep dep tanystyrǵan qytailyq tilshi.
Sondai-aq, qazaq boksshylaryna degen alǵysyn aityp ótti ol.
«Men sportshy emespin. Alaida, sport tilshisimin. Kóp nárseni bilemin. Jalpy sportty óte jaqsy túsinem. Sondyqtan, Levitti tóreshiler tizeden urǵanyn kórdim. Oǵan obal boldy. Altyn men kúmistiń salmaǵy bólek. Sol úshin qazaq boksshysyn aiaimyn. Eger Levit bizdiń bala bolsa, men chempiondyq ataqtan bólek Vel Barker Kýbogyn qosa berýdi AIBA-dan talap eter edim. Ringke baryp jatyp alar edim edim. Sizderdi túsinbedim. Levit te kúmisine qanaǵat tutyp júr. Negizi, olai bolmaýy kerek edi», - dep atap ótti qytailyq jýrnalist.
