سوڭعى جىلدارى ماڭعىستاۋ وبلىسىندا قۋاڭشىلىق بەلەڭ الىپ, ەسٸرەسە بيىلعى جىل شارۋالارعا تىم اۋىر سوعىپ وتىر, دەپ حابارلايدى "ۇلت اقپارات".
جاۋىن-شاشىننىڭ بولماۋى, تاسىمالداناتىن جەم-شٶپتٸڭ جەتٸسپەۋٸ, ىستىقتىڭ ەرتە تٷسۋٸ, مۇنىڭ بارلىعى تٶرت تٷلٸكتٸڭ كٷتٸمٸنە كەرٸ ەسەرٸن تيگٸزگەلٸ تۇر.
ٶڭٸردەگٸ شارۋالاردىڭ جەكە مالىنا قاجەتتٸ ازىق قامداۋ ٷشٸن ٶتكەن اپتادا وبلىس ەكٸمٸنٸڭ تاپسىرماسىمەن شۇعىل جۇمىستار قولعا الىنعان ەدٸ.
ەلٸمٸزدٸڭ ٶزگە ٶڭٸرلەرٸنەن جەم-شٶپ ساتىپ الىپ, شارۋالارعا ٷلەستٸرۋ ٷشٸن «كاسپيي» ەكك ارقىلى تيٸستٸ قاراجات بٶلٸندٸ.
سونىمەن قاتار وبلىس ەكٸمدٸگٸ تاراپىنان مال ازىعىن جەتكٸزۋ, جايىلىم مەن شابىندىق جەرلەردٸ پايدالانۋ بويىنشا قوستاناي, باتىس قازاقستان, اقتٶبە وبلىستارىمەن كەلٸسسٶزدەر جٷرگٸزٸلۋدە.
وسىعان وراي وبلىس ەكٸمٸنٸڭ ورىنباسارى ع.نييازوۆ باستاعان جۇمىس توبى اقتٶبە وبلىسىنىڭ العا, بايعانين, مەرتٶك, مۇعالجار, قوبدا, تەمٸر اۋداندارىنا ارنايى بارىپ, ناقتى كەلٸسٸمشارت جاسايدى.
ال ٶڭٸردٸڭ شالعايىندا ورنالاسقان بەينەۋ اۋدانىنىڭ ەكٸمٸ شارۋالارعا كٶمەكتەسۋ ماقساتىندا اقتٶبە وبلىسىنا بارىپ, كٶرشٸ اۋدان باسشىلارىمەن كەلٸسٸمگە كەلدٸ.
بەينەۋ اۋدانىنىڭ ەكٸمٸ ب.ەبٸلوۆ باستاعان, قۇرامىندا اۋىل شارۋاشىلىعى ماماندارى مەن دەپۋتاتتار بار ارنايى دەلەگاتسييا اقتٶبە وبلىسى بايعانين اۋدانى ەكٸمٸ قايرات ورىنباسارۇلى وتاروۆپەن اۋدان ورتالىعى قاراۋىلكەلدٸ اۋىلىندا كەزدەسۋ ٶتكٸزدٸ.
كەزدەسۋدٸڭ باستى ماقساتى بيىلعى قۋاڭشىلىق سالدارىن جويۋ ٷشٸن مال ازىعىن دايىنداۋعا شابىندىق, شەكارالاس ايماقتاردا ماۋسىمدىق جايىلىمداردى پايدالانۋ مەسەلەلەرٸن تالقىلاۋ بولدى.
قاراۋىلكەلدٸدەگٸ كەزدەسۋ بارىسىندا بەينەۋ دەلەگاتسيياسى كٶرشٸ اۋداننىڭ تىنىس تٸرشٸلٸگٸمەن تانىستى, بٸرقاتار ەلەۋمەتتٸك نىساندارىن ارالادى, اۋىل شارۋاشىلىعى ارداگەرٸ راحىم سەمبٸعاليەۆ ماڭعىستاۋ وبلىسىمەن شەكتەسەتٸن اقتٶبە وبلىسىنا قاراستى ايماقتا كەڭەس ٷكٸمەتٸ كەزەڭٸندە 1950-1993 جىلدارى جەتٸقاق, كٶلتابان, مٷلكٸ امان, ساروي ت.ب. جەر-سۋلارىن تاريحي بەينەۋ اۋدانىنا قاراستى سام, سىڭعىرلاۋ سوۆحوزدارىنىڭ مالشىلارى ەكٸ جاقتى كەلٸسٸممەن جايلاۋ رەتٸندە پايدالانىلعانى تۋرالى دەرەكتەر جەتكٸزٸلدٸ.
ەرٸپتەستٸك نەتيجەسٸندە:
1. جەتٸقاق جەرٸن پايدالانىپ وتىرعان بەينەۋ اۋدانىنا قاراستى شارۋاشىلىق يەلەرٸنە تٷسٸنٸستٸكپەن قاراپ, جەر مەسەلەسٸن زاڭداستىرۋ;
2. بايعانين اۋدانىنا قاراستى جەرلەردەن شابىندىققا جارامدى جەرلەر بولسا, بەينەۋ اۋدانىنىڭ شٶپ شابۋشى بريگادالارىنا جەر بٶلۋ;
3. بايعانين اۋدانىنا قاراستى شارۋالاردان تيٸمدٸ باعادا جەم-شٶپ ساتىپ الۋ;
4. شەكارالاس ايماقتا دالا ٶرتتەرٸن بولدىرماۋ, الدىن الۋ جەنە ونىڭ سالدارىن بٸرٸگٸپ جويۋ سەكٸلدٸ باعىتتاردا كەلەسٸم جٷرگٸزٸلٸپ, مەموراندۋمعا قول قويىلدى.
