قر پرەمەر-مينيسترٸ اسقار ماميننٸڭ تٶراعالىعىمەن ٶتكەن ٷكٸمەتتٸڭ كەزەكتٸ وتىرىسىندا 2019 جىلدىڭ قاڭتار-قازان ايلارىنداعى ەلەۋمەتتٸك-ەكونوميكالىق دامۋ قورىتىندىلارى جەنە رەسپۋبليكالىق بيۋدجەتتٸڭ ورىندالۋى مەسەلەلەرٸ قارالدى. بيىلعى 10 ايداعى ەلەۋمەتتٸك-ەكونوميكالىق دامۋ قورىتىندىلارى تۋرالى قر ۇلتتىق ەكونوميكا مينيسترٸ رۋسلان دەلەنوۆ باياندادى, دەپ حابارلايدى "ۇلت اقپارات" primeminister.kz سايتىنا سٸلتەمە جاساپ.
قر ۇەم مەلٸمەتتەرٸ بويىنشا, جٸٶ ٶسٸمٸ قاڭتار-قازان ايلارىندا 4,4%-عا جەدەلدەدٸ. ەكونوميكا ٶسٸمٸنٸڭ فاكتورلارى — ينۆەستيتسييالىق بەلسەندٸلٸك, ٸشكٸ سۇرانىستىڭ جەنە جٸٶ-دەگٸ شاعىن جەنە ورتا بيزنەس ٷلەسٸنٸڭ ۇلعايۋى, ٶنەركەسٸپتٸڭ كٸشٸ سالالارىنداعى ەكٸ مەندٸ ٶسٸم, سونىمەن بٸرگە, مۇناي ٶندٸرۋدٸڭ قالپىنا كەلۋٸ. ەكونوميكانىڭ سالالارى بويىنشا ينۆەستيتسييالىق جوبالار پۋلى قۇرىلدى. بۇل ورتا مەرزٸمدٸ كەلەشەكتە ەكونوميكانىڭ تۇراقتى جەنە ساپالى ٶسۋ نەگٸزٸن قۇرايدى.
«ينۆەستيتسييالار 8,2%-عا ٶستٸ. حالىقتىڭ ناقتى تابىسىنىڭ ٶسۋٸ 6,4%-دى قۇرادى. جالپى ٸشكٸ ٶنٸمدەگٸ شاعىن جەنە ورتا بيزنەستٸڭ ٷلەسٸ 28,5%-عا دەيٸن ارتتى. ٶنەركەسٸپ ٶندٸرٸسٸ ورنىقتى ٶسۋ ٷردٸسٸن ساقتاپ وتىر. قاڭتار-قازاندا ٶسٸم 3,5%-دى قۇرادى. ٶڭدەۋ ٶنەركەسٸبٸ 3,3%-عا ٶستٸ», — دەدٸ ر. دەلەنوۆ.
ٶسۋ نەگٸزگٸ ٶڭدەۋ سالالارىندا قول جەتكٸزٸلگەن قارقىننىڭ ساقتالۋىمەن قامتاماسىز ەتٸلدٸ. ولار — جەڭٸل ٶنەركەسٸپ, ماشينا جاساۋ, فارماتسەۆتيكا جەنە سۋسىندار ٶندٸرٸسٸ.
«مۇناي ٶندٸرۋدٸ قالپىنا كەلتٸرۋ ەسەبٸنەن كەن ٶندٸرۋ ٶنەركەسٸبٸندە ٶسٸم 3,7%-عا دەيٸن ارتتى. تٷستٸ مەتالدار كەنٸن ٶندٸرۋدە 18% دەڭگەيٸندە جوعارى ٶسۋ قارقىنى ساقتالدى. قۇرىلىس جۇمىستارى قارقىندى جٷرگٸزٸلۋدە. ٶسٸم 12,7%-دى قۇرادى. 9,8 ملن شارشى مەتر تۇرعىن ٷي پايدالانۋعا بەرٸلدٸ», — دەدٸ ۇلتتىق ەكونوميكا مينيسترٸ.
اۋىل شارۋاشىلىعى سالاسىندا مال شارۋاشىلىعى ٶنٸمدەرٸنٸڭ ٶندٸرٸسٸ 3,9%-عا ۇلعايدى. كٶرسەتٸلەتٸن قىزمەتتەر سالاسىندا ٶسٸم 4,4%-دى قۇرادى. ساۋدا كٶلەمٸ 7,5%-عا, كٶلٸك – 5,6%-عا جەنە بايلانىس – 4,5%-عا ٶستٸ.
ر. دەلەنوۆتىڭ ايتۋىنشا, بيىلعى قاڭتار-قىركٷيەكتە سىرتقى ساۋدا اينالىمى 1,5%-عا ٶسٸپ, $70,4 ملرد دەيٸن جەتتٸ. ەكسپورت كٶلەمٸ – $42,7 ملرد, ال يمپورت $27,6 ملرد قۇرادى. نەگٸزگٸ كٶرسەتكٸشتەر بويىنشا ٶڭٸرلەردٸڭ كٶبٸندە ٶسۋدٸڭ وڭ سەرپٸنٸ بايقالادى.
«قۇرىلىس جەنە نەگٸزگٸ كاپيتالعا سالىنعان ينۆەستيتسييالار بويىنشا ارتتا قالعان ٶڭٸرلەر سانى قىسقاردى. مەسەلەن, سولتٷستٸك قازاقستان وبلىسى قۇرىلىس بويىنشا 3,9% دەڭگەيٸندە, ماڭعىستاۋ وبلىسى ينۆەستيتسييالار بويىنشا 2,9% دەڭگەيٸندە وڭ ٶسٸم كٶرسەتتٸ. شىعىس قازاقستان جەنە قىزىلوردا وبلىستارى 4 كٶرسەتكٸش بويىنشا, قاراعاندى, باتىس قازاقستان جەنە اقمولا وبلىستارى 3 كٶرسەتكٸش بويىنشا جوعارى ٶسٸم كٶرسەتتٸ», — دەپ تٷيٸندەدٸ ر. دەلەنوۆ.
