2020 جىلعى جارتى جىلدا قازاقستاندا 520 مىڭ اۆتوكٶلٸك تٸركەۋگە قويىلدى. بۇل تۋرالى «قازاۆتوٶنەركەسٸپ» اۆتوكٶلٸك سالاسىنداعى كەسٸپورىندار وداعى مەلٸم ەتتٸ, دەپ حابارلايدى "ۇلت اقپارات".
«ەسەپتٸ كەزەڭدە ەكٸمشٸلٸك پوليتسييا ورگاندارى 520 538 اۆتوكٶلٸكتٸ تٸركەۋگە قويدى. اتالعان كٶرسەتكٸش ٶتكەن جىلدىڭ سەيكەس كەزەڭٸنەن 26 پايىزعا كەم. ونىڭ ٸشٸندە 470 353-ٸ ەكٸنشٸ رەت تٸركەلگەندەر ٷلەسٸندە, ياعني بٸر ادامنان ەكٸنشٸ ادامنىڭ اتىنا اۋىستىرىلعان كٶلٸكتەر ساناتىنا جاتقىزىلدى. بٸر جىل بۇرىنعى دەڭگەيمەن سالىستىرعاندا 28,4 پايىزعا تٶمەندەدٸ. ال العاش رەت تٸركەلگەن كٶلٸك قۇرالدارىنىڭ سانى 50 185-تٸ قۇرادى. بۇل كٶرسەتكٸش بىلتىرعا قاراعاندا 8,3 پايىزعا جوعارى», - دەپ اتاپ كٶرسەتٸلگەن تاراتىلعان مەلٸمەتتە.
بيىلعى التى ايدا قازاقستان اۋماعىندا 19 ەلەكتروموبيل تٸركەلگەن ەكەن.
«قازاۆتوٶنەركەسٸپتٸڭ» حابارلاۋىنشا, ەسەپتٸ كەزەڭدە قايتا تٸركەلگەن كٶلٸكتەردٸڭ ٷشتەن ەكٸسٸنەن استامىن (68 پايىزى) پايدالانۋ مەرزٸمٸ 10 جىلدان اسقان كٶلٸكتەر قامتىعان.
اتاپ ايتقاندا, 20 جىلدان اسقانداردىڭ ٷلەسٸ 197 561 كٶلٸك (42 پايىز) بولسا, 11-دەن 20 جىلعا دەيٸنگٸلەر 26 پايىزدى (122 094 كٶلٸك) قۇرادى.
ال 4-تەن 7 جىلعا دەيٸنگٸلەر – 80 830 كٶلٸككە (17,2 پايىز), 8-دەن 10 جىلعا دەيٸنگٸلەر – 46 364 كٶلٸككە (9,9 پايىز), 1-دەن 3 جىلعا دەيٸنگٸ كٶلٸك سانى 21 885-كە جەتتٸ. سونىمەن قاتار, پايدالانۋ مەرزٸمٸ 1 جىلعا جەتپەگەن كٶلٸكتەردٸڭ ٷلەسٸ 0,3 پايىز (1 619 اۆتوموبيل) بولدى.
