بيىل ٶڭٸرلەرگە 807 جەدەل جەردەم كٶلٸگٸ ساتىپ الىنادى. بۇل تۋرالى ۇلتتىق شۇعىل مەديتسينانى ٷيلەستٸرۋ ورتالىعى باسقارما تٶراعاسىنىڭ مٸندەتٸن اتقارۋشى باۋىرجان جٷسٸپوۆ ايتتى, دەپ حابارلايدى قازاقپارات.
«قازاقستان بويىنشا جەدەل مەديتسينالىق كٶمەك قىزمەتٸ 18 دەربەس جەدەل مەديتسينالىق كٶمەك ستانسىسىنان, 87 قالالىق كٸشٸ ستانسىدان جەنە 288 اۋداندىق جەدەل كٶمەك بٶلٸمشەسٸنەن تۇرادى. رەسپۋبليكا بويىنشا جەدەل كٶمەك شاقىرتۋلارىنا 1400-گە جۋىق جەدەل مەديتسينالىق كٶمەك بريگاداسى قىزمەت كٶرسەتەدٸ. ونىڭ 23 پايىزى مامانداندىرىلعان دەرٸگەرلٸك بريگادا, 77 فەلدشەرلٸك بريگادا سانالادى», - دەدٸ ول ورتالىق كوممۋنيكاتسييالار قىزمەتٸندەگٸ بريفينگ بارىسىندا.
ونىڭ اتاپ ٶتۋٸنشە, ەلٸمٸزدە سانيتارلىق اۆتوكٶلٸكپەن جابدىقتالۋ 93 پايىزدى قۇرايدى. قازٸرگٸ تاڭدا 1967 سانيتارلىق اۆتوكٶلٸك بار. 2019 جىلى جەدەل كٶمەك اۆتوكٶلٸكتەرٸنٸڭ تاپشىلىعىن جابۋ ماقساتىندا ٶڭٸرلەردە 293 كٶلٸك ساتىپ الىندى.
«بيىل 807 كٶلٸك ساتىپ الۋ جوسپارلانىپ وتىر. بارلىق كٶلٸكتەر وتاندىق اۆتوكٶلٸك ٶندٸرۋشٸلەردەن ليزينگ اياسىندا ساتىپ الىناتىن بولادى. قازٸرگٸ ۋاقىتتا جەدەل كٶمەك كٶلٸكتەرٸن كەزەڭ-كەزەڭٸمەن دايىنداۋ جەنە جەتكٸزۋ جٷرگٸزٸلٸپ جاتىر. جالپى بارلىق كٶلٸكتەر وسى جىلدىڭ قاراشا ايىنىڭ سوڭىنا دەيٸن پايدالانۋعا بەرٸلەدٸ», - دەدٸ باۋىرجان جٷسٸپوۆ.
