بيىل مەملەكەتتٸك اپپارات قىزمەتكەرلەرٸ 25 پايىزعا قىسقارادى. بۇل تۋرالى مەجٸلٸستەگٸ «Nur Otan» پارتيياسى پارلامەنتتٸك فراكتسيياسىنىڭ كەڭەيتٸلگەن وتىرىسىندا ٷكٸمەت باسشىسى اسقار مامين ايتتى, دەپ حابارلايدى "ۇلت اقپارات".
«حالىق پەن بيزنەستٸڭ قالاۋىن قاناعاتتاندىرۋعا باعدارلانعان تيٸمدٸ مەملەكەتتٸك اپپارات قۇرۋ بويىنشا جۇمىس جالعاسادى. 2025 جىلعا قاراي بارلىقمەملەكەتتٸك ورگاندار اۆتوماتتاندىرىلىپ, ەلەكتروندى فورماتقا كٶشٸرٸلەدٸ», - دەدٸ ٷكٸمەت باسشىسى «Nur Otan» پارتيياسىنىڭ «ٶزگەرٸستەر جولى: ەر ازاماتقا لايىقتى ٶمٸر!» سايلاۋ باعدارلاماسىن ورىنداۋدىڭ جول كارتاسىن تالقىلاۋ بارىسىندا.
ونىڭ اتاپ ٶتۋٸنشە, بيىل قىزمەتتەردٸڭ 92 پايىزى تسيفرلاندىرىلادى.
«2021 جىلى مەملەكەتتٸك اپپارات پەن مەملەكەتتٸك سەكتورداعى قىزمەتكەرلەردٸڭ سانى 25 پايىزعا قىسقارادى. بيىل ازاماتتاردىڭ قىزمەتتەردٸ ەلەكتروندى تٷردە دەربەس الۋى ٷشٸن حالىققا قىزمەت كٶرسەتۋ ورتالىقتارىن ونلاين كەڭەس بەرۋگە بەيٸمدەۋ جۇمىس باستالادى», - دەدٸ اسقار مامين.
