قر قارجى مينيسترلٸگٸ مەملەكەتتٸك كٸرٸستەر كوميتەتٸ مەملەكەتتٸك قىزمەتتەر دەپارتامەنتٸ مەملەتتٸك قىزمەتتەر باسقارماسىنىڭ باسشىسى ۆلادلەن بالان موبيلدٸ اۋدارىمداردى باقىلاۋ تۋرالى كٷشٸنە ەنگەن بۇيرىقتىڭ مەنٸن تٷسٸندٸردٸ, دەپ حابارلايدى قازاقپارات.
ماماننىڭ ايتۋىنشا, كەسٸپكەرلٸك قىزمەتپەن اينالىسپايتىن قاراپايىم قازاقستاندىقتارعا بۇل ٶزگەرٸس ەشقانداي ەسەر ەتپەيدٸ.
«بٸرٸنشٸ كەزەڭدە 2022 جىلدىڭ قورىتىندىسى بويىنشا بۇل ٶلشەمدەر مەملەكەتتٸك قىزمەتشٸلەر مەن ولارعا تەڭەستٸرٸلگەندەرگە, سولاردىڭ جۇبايلارىنا قاتىستى بولادى. ياعني, 2022 جىلدىڭ قورىتىندىسى بويىنشا جاڭاعى ساناتتارعا كٸرەتٸن ناقتى تۇلعالاردىڭ تٸزٸمٸ قالىپتاسادى. بۇل تٸزٸم ەكٸنشٸ دەڭگەيلٸ بانكتەرگە جولدانادى. ەكٸنشٸ دەڭگەيلٸ بانكتەر ەزٸرلەنگەن ٶلشەمشارتتار بويىنشا ەلگٸ تٸزٸمدەگٸ تۇلعالاردى بٷگٸن كٷشٸنە ەنگەن زاڭنىڭ تالابى بويىنشا تەكسەرٸپ شىعادى. تٸزٸمدەگٸ تۇلعالاردىڭ دەرەكتەرٸ وسى ٶلشەمشارتتارعا سەيكەس كەلسە, مەملەكەتتٸك كٸرٸستەر ورگانىنا قايتا جٸبەرٸلەدٸ. بٸز بانكتەردٸڭ بەرگەن دەرەگٸ بويىنشا جۇمىس ٸستەيمٸز. بۇل مەملەكەتتٸك كٸرٸس ورگاندارى جەكە تۇلعالاردىڭ شوتتارىن جاپپاي باقىلاۋعا الادى دەگەن سٶز ەمەس. باقىلاۋ تەك بانكتەردٸڭ تەكسەرۋٸ كەزٸندە انىقتالعان بۇزۋشىلىقتار بويىنشا عانا جٷرگٸزٸلەدٸ», - دەدٸ باسقارما باسشىسى.
ايتۋىنشا, بۇل جەردەگٸ ٶلشەمشارت دەگەن ۇعىم جەكە تۇلعالاردىڭ بانك شوتىنا بٸر ايدىڭ ٸشٸندە باسقا 100-دەن استام جەكە تۇلعادان موبيلدٸ اقشا اۋدارىمدارى تٷسۋٸن بٸلدٸرەدٸ.
«ٷش اي بويى مەنٸڭ بانك شوتىما موبيلدٸ اۋدارىم ارقىلى اي سايىن 100-دەن ارتىق جەكە تۇلعانىڭ شوتىنان اقشا تٷستٸ دەيٸك. مۇنداي جايتتى بٸز كەسٸپكەرلٸكپەن كەسٸپكەر رەتٸندە تٸركەلمەي اينالىسۋ تەۋەكەلٸ رەتٸندە قارايمىز. ال جەكە كەسٸپكەر رەتٸندە تٸركەلگەن بولساڭىز, ونىڭ تابىسىن جەكە تۇلعا رەتٸندە اشىلعان شوتقا قابىلداي المايسىز. جەكە كەسٸپكەر رەتٸندە اشقان شوتىڭىزعا عانا تٶلەم قابىلداۋىڭىز كەرەك», - دەپ تٷسٸندٸردٸ ۆلادلەن بالان.
كوميتەت ٶكٸلٸ بٷگٸننەن باستاپ بٷكٸل قازاقستاندىقتاردىڭ شوتىن بانكتەرگە تەكسەرتكەلٸ جاتپاعانىن باسا ايتتى.
«جىل سايىن تٸزٸم جاساپ, جٸبەرٸپ وتىرامىز. تيٸسٸنشە, ەكٸمشٸلەندٸرۋ نەتيجەسٸنە سٷيەنە وتىرىپ, ٶلشەمدەر پىسىقتالادى. جوعارىدا ايتقان ٶلشەمشارتتار بارىنشا كەڭ ەتٸپ الىندى. بۇل ٶلشەمشارتتاردى ەكٸنشٸ دەڭگەيدەگٸ بانكتەرمەن اقىلداسىپ بەكٸتتٸك. باستاپقىدا جەكە تۇلعانىڭ بانك شوتىنا اي سايىن اقشا اۋدارعان ەرتٷرلٸ تۇلعالاردىڭ سانىن 50-گە دەيٸن قىسقارتايىق دەگەن مەسەلە تۋىنداعان. كەيٸن 100 دەگەن ٶلشەمگە توقتادىق. ٶيتكەنٸ حالىقتىڭ تٷگەلگە جۋىعى Kaspi قوسىمشاسى ارقىلى اۋدارىم جاساپ جٷر. تۋىستار, جاقىن دوستار مەن وتباسى مٷشەلەرٸ اراسىنداعى اۋدارىم ٶلشەمشارتقا ەنٸپ كەتپەۋٸ ٷشٸن 100-گە كەڭەيتتٸك», - دەيدٸ مەملەكەتتٸك كٸرٸستەر كوميتەتٸنٸڭ باسقارما باسشىسى.
سونداي-اق, ول بيىل نەگە مەملەكەتتٸك قىزمەتشٸلەر مەن ولارعا تەڭەستٸرٸلگەندەر, ولاردىڭ جۇبايلارىنىڭ شوتتارى عانا موبيلدٸ اۋدارىمدار بويىنشا تەكسەرٸلەتٸنٸن تٷسٸندٸردٸ.
«جىل سايىن تٸزٸم جاساپ وتىرامىز دەدٸم عوي. مىسالى وسى جىلدىڭ قورىتىندىسى بويىنشا مەملەكەتتٸك قىزمەتكەرلەر مەن سولارعا تەڭەستٸرٸلگەندەردٸڭ, جۇبايلارىنىڭ تٸزٸمٸن ەكٸنشٸ دەڭگەيلٸ بانكتەرگە جٸبەرەمٸز. ەكٸنشٸ كەزەڭدە, ياعني, 2023 جىلى كۆازيمەملەكەتتٸك سەكتور قىزمەتكەرلەرٸ مەن بيۋدجەتتٸك سالا قىزمەتكەرلەرٸنٸڭ, ولاردىڭ جۇبايلارىنىڭ تٸزٸمٸن جٸبەرەمٸز. ودان كەيٸن, ياعني, 2024 جىلى كەسٸپكەرلەر مەن زاڭدى تۇلعالاردىڭ باسشىلارى مەن قۇرىلتايشىلارىنىڭ, ولاردىڭ جۇبايلارىنىڭ تٸزٸمٸن جٸبەرٸپ تەكسەرتەمٸز. وسىدان كەيٸن بارىپ قانا, ياعني, 2025 جىلى بانكتەر بٷكٸل جەكە تۇلعالاردىڭ بانك شوتتارىن زەردەلەيدٸ. بۇل كەزەڭگە جەتكەنگە دەيٸن تەجٸريبە بارىسىندا ٶلشەمشارتتاردى جەتٸلدٸرە تٷسەمٸز. سول ارقىلى ٶلشەمشارتتارعا ەدٸلەتسٸز ەنۋٸ تەۋەكەلدەرٸن ازايتامىز», - دەدٸ ۆلادلەن بالان.
قاراپايىم تٸلمەن ايتساق, قارجى مينيسترٸنٸڭ موبيلدٸ اۋدارىمدارعا قاتىستى بۇيرىعى بٷگٸننەن باستاپ بٷكٸل قازاقستاندىقتاردىڭ جەكە تۇلعا رەتٸندە اشقان شوتتارىن باقىلاۋعا المايدى.
قانداي ساناتقا جاتاتىنىنا قاراماستان بٷكٸل تۇلعالاردىڭ بانك شوتىنا جاسالاتىن اۋدارىمداردى باقىلاۋ تەك 2025 جىلى باستالادى.
«مىسالى, بٷگٸننەن باستاپ كەسٸپكەر رەتٸندە تٸركەلمەسە دە, جولاۋشى تاسىمالداپ جٷرگەن جەكە تۇلعا مەملەكەتتٸك قىزمەتشٸ بولماسا, بيىل ونىڭ شوتى تەكسەرٸلمەيدٸ. جالپاق تٸلمەن ايتقاندا, ونداي ادامنىڭ 2025 جىلعا دەيٸن وسىلاي تابىس تابا تۇرۋىنا مٷمكٸندٸك بار. بٸراق موبيلدٸ اۋدارىم جاساۋعا ارنالعان QR-تاردى پايدالانعان دۇرىس», - دەدٸ مەملەكەتتٸك كٸرٸستەر كوميتەتٸنٸڭ باسقارما باسشىسى.
