بيىل كوللەدجدەردە كادر دايىنداۋ مەملەكەتتٸك تاپسىرىسى 20 مىڭ ورىنعا دەيٸن ۇلعايتىلادى. بۇل تۋرالى بٷگٸن ٷكٸمەت وتىرىسىندا قر پرەمەر-مينيسترٸ اسقار مامين ايتتى, دەپ حابارلايدى قازاقپارات.
«جاستار بٸرٸنشٸ ماماندىعىن تەگٸن الۋى ٷشٸن وسى جىلى كوللەدجدەردە كادر دايىنداۋ مەملەكەتتٸك تاپسىرىسىن 20 مىڭ ورىنعا دەيٸن ۇلعايتۋدى قامتاماسىز ەتۋ كەرەك. وبلىس ەكٸمدەرٸ 9 جەنە 11 سىنىپ وقۋشىلارىن الدىن الا كەسٸبي باعدارلاۋ بويىنشا جۇمىس جٷرگٸزسٸن», - دەدٸ ٷكٸمەت باسشىسى.
اسقار مامين بٸلٸم جەنە عىلىم مينيسترلٸگٸنە 20 ەڭ مىقتى جوعارى وقۋ ورنىن ٸرٸكتەپ, 25 ناۋرىزعا دەيٸن ولاردىڭ تٸزٸمٸن جوعارى وقۋ ورىندارىنىڭ بەسەكەگە قابٸلەتٸ جٶنٸندەگٸ كەڭەستە قاراۋ ٷشٸن ٷكٸمەتكە ەنگٸزۋدٸ تاپسىردى.
«بٸلٸم بەرۋ جٷيەسٸن كەشەندٸ جاڭعىرتۋ بەسەكەگە قابٸلەتتٸ ەكونوميكانىڭ نەگٸزگٸ فاكتورى بولاتىن ساپالى ادامي كاپيتال قالىپتاستىرۋ ٷشٸن قاجەتتٸ جاعداي جاساۋعا مٷمكٸندٸك بەرەدٸ», - دەدٸ پرەمەر-مينيستر.
