بيىل كەسٸپتٸك جەنە تەحنيكالىق كوللەدجدەرگە تٷسۋ ەمتيحاندارى الىنىپ تاستالادى. بۇل تۋرالى نۇر-سۇلتان قالاسى بٸلٸم بەرۋ باسقارماسى باسشىسىنىڭ ورىنباسارى ريمما يمانعازينوۆا ەكٸمدٸكتٸڭ باسپاسٶز ورتالىعىندا ايتتى, دەپ حابارلايدى قازاقپارات.
«تەحنيكالىق جەنە كەسٸپتٸك بٸلٸم بەرۋ ۇيىمدارىنا قابىلداۋ 25 ماۋسىمنان باستالادى. قۇجاتتار ەكٸ جولمەن – «ەلەكتروندى ٷكٸمەت» ۆەب-پورتالى نەمەسە تٸكەلەي كوللەدجگە جٷگٸنۋ ارقىلى ٸسكە اسىرىلادى. تالاپكەرلەر 4 وقۋ ورنىنا دەيٸن, 4 ماماندىق پەن بٸلٸكتٸلٸككە دەيٸن تاڭداۋ ارقىلى ورتا بۋىن جەنە قولدانبالى باكالاۆريات ماماندىقتارىنا ٶتٸنٸش بەرە الادى. بۇل تالاپكەرلەرگە مەملەكەتتٸك تاپسىرىس بويىنشا ورىن الۋعا مٷمكٸندٸك بەرەدٸ. بيىل تٷسۋ ەمتيحاندارى الىنىپ تاستالادى. ال كونكۋرس ورتاشا بالل بويىنشا اقپاراتتىق جٷيە ارقىلى اۆتوماتتاندىرىلعان رەجيمدە ٶتكٸزٸلەدٸ», - دەدٸ باسقارما ٶكٸلٸ.
دەگەنمەن ماماننىڭ ايتۋىنشا, پەداگوگيكالىق, مەديتسينالىق ماماندىقتار بويىنشا كەسٸپتٸك-تەحنيكالىق بٸلٸم الۋشىلار ەمتيحاننان مٷلدەم بوساتىلمايدى.
«پەداگوگيكالىق, مەديتسينالىق ماماندىقتار بويىنشا سونداي-اق, ارنايى جەنە شىعارماشىلىق ەمتيحانداردى پسيحومەترييالىق تەستٸلەۋدە تاپسىراتىن ٶنەر جەنە مەدەنيەت ماماندىقتارى بويىنشا تٷسۋشٸلەرگە تالاپتار ٶزگەشە بولادى. جۇمىسشى بٸلٸكتٸلٸكتەرٸ, اسپاز, بالا كٷتۋشٸ, تٸگٸنشٸ, دەنەكەرلەۋشٸ, سانتەحنيك ماماندىقتارى بويىنشا جەنە «ەڭبەك» باعدارلاماسى اياسىندا ٶتٸنٸش بەرەتٸن تالاپكەرلەر كونكۋرستان تىس كوللەدجدەرگە سۇحباتتاسۋ ارقىلى ٶتەدٸ», - دەدٸ ريمما يمانعازينوۆا.
