بيىل ستيپەندييا باعدارلاماسى بويىنشا 132 قانداس ەلٸمٸزدٸڭ جوعارى وقۋ ورىندارىنا قابىلداندى. بۇل جايىندا قر پرەمەر-مينيسترٸنٸڭ ورىنباسارى ەرالى توعجانوۆتىڭ مەجٸلٸس دەپۋتاتتارى ساۋالىنا بەرگەن جاۋابىندا ايتىلعان, دەپ حابارلايدى قازاقپارات.
ۆيتسە-پرەمەردٸڭ اتاپ ٶتۋٸنشە, 2019 جىلى ورتالىق ازييا ەلدەرٸنٸڭ شەتەلدٸك ازاماتتارىنا, ونىڭ ٸشٸندە قازاقستان رەسپۋبليكاسىنىڭ ازاماتتارى بولىپ تابىلمايتىن ۇلتى قازاق ادامدارعا ارنالعان ەلٸمٸزدٸڭ جوعارى وقۋ ورىندارىندا بٸلٸم الۋعا ستيپەندييالىق باعدارلاما ٸسكە قوسىلدى.
«ستيپەندييالىق باعدارلاما بويىنشا قانداستار تەك باكالاۆرياتقا عانا ەمەس, سونىمەن قاتار جوعارى وقۋ ورنىنان كەيٸنگٸ بٸلٸم بەرۋ باعدارلامالارىنا دا ەڭگٸمەلەسۋ نەتيجەلەرٸ بويىنشا تٷسەتٸگٸن اتاپ ٶتكەن جٶن. 2021 جىلى ستيپەندييالىق باعدارلاما بويىنشا 132 قانداس قابىلداندى. ونىڭ ٸشٸندە باكالاۆرياتقا – 100, ماگيستراتۋراعا – 22, دوكتورانتۋراعا – 10. سونداي-اق, ٷش جىل ٸشٸندە اكادەمييالىق ۇتقىرلىق اياسىندا فرانتسييا, ليتۆا, رەسەي فەدەراتسيياسى, قىرعىزستاننان 33 قانداس قابىلداندى», - دەدٸ ەرالى توعجانوۆ جاۋابىندا.
