Biyl stipendiia baǵdarlamasy boiynsha 132 qandas elimizdiń joǵary oqý oryndaryna qabyldandy. Bul jaiynda QR Premer-ministriniń orynbasary Eraly Toǵjanovtyń Májilis depýtattary saýalyna bergen jaýabynda aitylǵan, dep habarlaidy QazAqparat.
Vitse-premerdiń atap ótýinshe, 2019 jyly Ortalyq Aziia elderiniń sheteldik azamattaryna, onyń ishinde Qazaqstan Respýblikasynyń azamattary bolyp tabylmaityn ulty qazaq adamdarǵa arnalǵan elimizdiń joǵary oqý oryndarynda bilim alýǵa stipendiialyq baǵdarlama iske qosyldy.
«Stipendiialyq baǵdarlama boiynsha qandastar tek bakalavriatqa ǵana emes, sonymen qatar joǵary oqý ornynan keiingi bilim berý baǵdarlamalaryna da áńgimelesý nátijeleri boiynsha túsetigin atap ótken jón. 2021 jyly stipendiialyq baǵdarlama boiynsha 132 qandas qabyldandy. Onyń ishinde bakalavriatqa – 100, magistratýraǵa – 22, doktorantýraǵa – 10. Sondai-aq, úsh jyl ishinde akademiialyq utqyrlyq aiasynda Frantsiia, Litva, Resei Federatsiiasy, Qyrǵyzstannan 33 qandas qabyldandy», - dedi Eraly Toǵjanov jaýabynda.
