بيىل قازاقستاندا 130 ملن اعاش وتىرعىزىلدى. بۇل تۋرالى قر ەكولوگييا, گەولوگييا جەنە تابيعي رەسۋرستار ۆيتسە-مينيسترٸ ەلييا شالابەكوۆا ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا مەلٸم ەتتٸ, دەپ حابارلايدى قازاقپارات.
«ٶتكەن جىلى مەملەكەت باسشىسى قازاقستان حالقىنا جولداۋىندا 5 جىلدىڭ ٸشٸندە ورمان قورىن 2 ملرد اعاشقا كٶبەيتۋ مٸندەتٸن تاپسىردى. وسى ورايدا ٶڭٸر ەكٸمدٸكتەرٸ اعاش وتىرعىزۋ, ياعني ورماندى دامىتۋدىڭ 2021-2025 جىلدارعا ارنالعان كەشەندٸ جوسپارىن بەكٸتتٸ. پرەزيدەنت تاپسىرماسىن ورىنداۋ بويىنشا 1 ملرد 539 ملن اعاشتى ٶڭٸر ەكٸمدٸكتەرٸ, ال 251 ملن اعاشتى مينيسترلٸك وتىرعىزادى. مينيسترلٸك ول اعاشتاردى ۇلتتىق پاركتەر مەن تابيعي رەزەرۆاتتاردىڭ اۋماعىندا ەگەدٸ. سونداي-اق تابيعات پايدالانۋشىلار مەن ٶزگە دە باستاماشىل توپتاردىڭ كٷشٸمەن 210 ملن تٷپ اعاش وتىرعىزۋ كٶزدەلٸپ وتىر», - دەدٸ ەلييا شالابەكوۆا.
ۆيتسە-مينيستردٸڭ ايتۋىنشا, ەلٸمٸزدە اعاش وتىرعىزۋ بويىنشا بيىلعى جوسپار تولىق ورىندالدى.
«بيىل ەلٸمٸز بويىنشا 62 مىڭ گەكتار جەرگە 130 ملن تٷپ اعاش وتىرعىزىلدى. ونىڭ ٸشٸندە 59,5 ميلليوننان استام سەكسەۋٸل (46 %), 45 ميلليوننان استام قاراعاي (35%), 8,7 ميلليون شەگٸرشٸن (7%), 5,5 ميلليون قايىڭ (4%) جەنە 11,3 ميلليون تٷپ (8%) باسقا دا اعاش تٷرٸ ەگٸلدٸ. بيىلعى جوسپارعا ساي اتالعان جۇمىسقا 12 ملرد تەڭگە كٶلەمٸندە قارجى بٶلٸندٸ. ونىڭ ٸشٸندە رەسپۋبليكالىق بيۋدجەتتەن 4,6 ملرد تەڭگە جەنە جەرگٸلٸكتٸ بيۋدجەتتەن 7,4 ملرد تەڭگە», - دەيدٸ ول.
ودان بٶلەك, مينيستر ورىنباسارى 422 بٸرلٸك تەحنيكا مەن جابدىقتىڭ ساتىپ الىنعانىن تٸلگە تيەك ەتتٸ.
