2020 جىلى 1,2 ميلليوننان استام ادام جۇمىسپەن قامتۋعا جەردەمدەسۋ شارالارىمەن قامتىلادى. بۇل تۋرالى قر ەڭبەك جەنە حالىقتى ەلەۋمەتتٸك قورعاۋ مينيسترٸ بٸرجان نۇرىمبەتوۆ ايتتى, دەپ حابارلايدى "ۇلت اقپارات".
ورتالىق كوممۋنيكاتسييالار قىزمەتٸندە ونلاين رەجيمدە ٶتكەن حالىققا ەسەپ بەرۋ كەزدەسۋٸ بارىسىندا مينيستر وسى جىلدىڭ ٸ-توقسان قورىتىندىسىندا ەكونوميكادا جۇمىسپەن قامتىلعانداردىڭ سانى 8,8 ملن ادامدى, جۇمىسسىزدىق دەڭگەيٸ 4,8%-دى قۇراعانىن اتاپ ٶتتٸ. ناۋرىز-سەۋٸر ايلارىندا كارانتيندٸك شارالاردىڭ ەنگٸزٸلۋٸنە بايلانىستى 4,2 ميلليون قازاقستاندىق ۋاقىتشا جۇمىستان بوساتىلدى.
«كارانتيندٸك شارالاردى جەڭٸلدەتۋ ٷستٸمٸزدەگٸ جىلدىڭ 20 سەۋٸرٸندە باستالدى. بۇل كەزەڭ-كەزەڭٸمەن جۇمىسقا ورالۋعا مٷمكٸندٸك بەردٸ. ٷكٸمەت جۇمىسپەن قامتۋعا كٶڭٸل بٶلٸپ, ەكونوميكانى قالپىنا كەلتٸرۋ بويىنشا قابىلداپ وتىرعان شارالار وسى جىلدىڭ شٸلدە ايىنان باستاپ ەڭبەك نارىعىنداعى جاعدايدى تۇراقتاندىرادى دەپ ەسەپتەيمٸز», - دەدٸ بٸرجان نۇرىمبەتوۆ.
ونىڭ اتاپ ٶتۋٸنشە, جىل سوڭىندا كٷتٸلەتٸن جۇمىسسىزدىق دەڭگەيٸ 6,1 پايىز بولۋى مٷمكٸن. وسى ورايدا, ول وسى جىلى جۇمىسپەن قامتۋعا جەردەمدەسۋ شارالارىنا 1 ميلليون 220 مىڭ ادامدى تارتۋ جوسپارلانىپ وتىرعانىن اتاپ ٶتتٸ.
«نەتيجەلٸ جۇمىسپەن قامتۋدى جەنە جاپپاي كەسٸپكەرلٸكتٸ دامىتۋدىڭ «ەڭبەك» مەملەكەتتٸك باعدارلاماسىن ٸسكە اسىرۋ اياسىندا – 600 مىڭ ادام, جۇمىسپەن قامتۋدىڭ جول كارتاسى اياسىندا – 255 مىڭ ادام, باسقا مەملەكەتتٸك باعدارلامالار بويىنشا 364 مىڭ ادام جۇمىسپەن قامتىلادى», - دەدٸ بٸرجان نۇرىمبەتوۆ.
مينيستردٸڭ ايتۋىنشا, 1 ماۋسىمداعى جاعداي بويىنشا 224 مىڭنان استام ادام «ەڭبەك» مەملەكەتتٸك باعدارلاماسىنا قاتىسىپ, ولاردىڭ 185 مىڭى جۇمىسقا ورنالاستىرىلدى. مەملەكەتتٸك قولداۋ شارالارى اياسىندا بوس جۇمىس ورىندارىنا 99 مىڭ ادام, قوعامدىق جۇمىستارعا – 62 مىڭ, ەلەۋمەتتٸك جۇمىس ورىندارىنا – 13 مىڭ, جاستار پراكتيكاسى بويىنشا 11 مىڭ ادام جۇمىسپەن قامتىلدى.
