بيىل تاۋلى ايماقتاردا تاسقىن قاۋپٸ ۇزاق ساقتالۋى مٷمكٸن. ەكولوگييا, گەولوگييا جەنە تابيعي رەسۋرستار ۆيتسە-مينيسترٸ سەرٸك قوجانييازوۆ «قازگيدرومەت» مەلٸمەتتەرٸنە سٷيەنە وتىرىپ وسىنداي بولجام ايتتى, دەپ حابارلايدى قازاقپارات.
«قازگيدرومەتتٸڭ» مەلٸمەتٸ بويىنشا, قىزىلوردا, اتىراۋ, ماڭعىستاۋ وبلىستارىندا قار تولىعىمەن ەرٸپ كەتتٸ. سونداي-اق, تٷركٸستان, جامبىل, الماتى وبلىستارىنىڭ جازىق جەرلەرٸندە تٷگەلدەي ەرٸدٸ. الايدا, جازىق ٶڭٸرلەردە تاسقىن قاۋپٸ تەك كٶكتەمدە تۋىنداسا, شىعىس قازاقستان, الماتى, جامبىل, تٷركٸستان وبلىستارىنىڭ تاۋلى بٶلٸكتەرٸندە تاسقىن قاۋپٸ قار ەرٸگەن كەزدە جەنە قاتتى جاۋىن بولعان كەزدە كٷشەيەدٸ», - دەدٸ ۆيتسە-مينيستر.
ونىڭ سٶزٸنە قاراعاندا, بيىل كٶكتەمنٸڭ العاشقى كٷندەرٸ سۋىق بوۋىنا بايلانىستى قاراعاندى, اقمولا, سقو, قوستاناي, بقو, اقتٶبە ٶڭٸرلەرٸندە قار ەلٸ ەرٸپ بٸتپەگەن.
«بٸر سٶزبەن ايتقاندا, «قازگيدرومەتتٸڭ» مەلٸمەت بويىنشا بيىل 2015, 2017 جىلدارداعىداي تاسقىن قاۋپٸ جوق. بٸراق تەمپەراتۋرانىڭ كٷرت ارتىپ, جاۋىن-شاشىننىڭ جيٸلەۋٸ قاراعاندى, اقمولا, سولتٷستٸك قازاقستان, قوستاناي, الماتى, تٷركٸستان, جامبىل جەنە شىعىس قازاقستان وبلىستارىندا ٸشٸنارا سۋ باسۋ كٶرٸنٸستەرٸ بولۋى مٷمكٸن», - دەدٸ سەرٸك قوجانييازوۆ.
