اۋىل شارۋاشىلىعى ۆيتسە-مينيسترٸ ايداربەك ساپاروۆ بيىل اۋىل شارۋاشىلىعى ٶنٸمٸن ٶندٸرۋشٸلەرگە ديزەل وتىنى نارىقتاعى باعادان 10 پايىز ارزانعا بەرٸلەتٸنٸن مەلٸم ەتتٸ, دەپ حابارلايدى "ۇلت اقپارات".
«بيىل ەنەرگەتيكا مينيسترلٸگٸمەن كەلٸسٸم بويىنشا ەگٸس جۇمىستارىن جٷرگٸزۋگە اقپان-ماۋسىم ايلارىندا شامامەن 387 مىڭ توننا ديزەل وتىنى بٶلٸندٸ. اۋا رايىنىڭ كٷردەلٸ جاعدايلارىن ەسكەرە وتىرىپ, وبلىستاردىڭ ٶتٸنٸمٸ بويىنشا قوسىمشا 10 مىڭ توننا بٶلٸنٸپ وتىر. بۇل بارلىق ٶڭٸرلەردٸڭ ديزەل وتىنىنا قاجەتتٸلٸگٸن تولىق قاناعاتتاندىرۋعا مٷمكٸندٸك بەرەدٸ», - دەدٸ ايداربەك ساپاروۆ اۋىل شارۋاشىلىعى مينيسترلٸگٸندە ٶتكەن القا مەجٸلٸسٸندە.
ۆيتسە-مينيستر بۇل رەتتە رەسپۋبليكا اگرارشىلارىنا ەنەرگەتيكا مينيسترلٸگٸ قولداۋ كٶرسەتٸپ وتىرعانىن جەتكٸزدٸ.
«قازٸر كەستە اۋىل شارۋاشىلىعى مينيسترلٸگٸ جەنە ەنەرگەتيكا مينيسترلٸگٸمەن كەلٸسٸلٸپ, جۇمىس ٸستەۋ ٷشٸن ٶڭٸرلەرگە جٸبەرٸلدٸ. بيىل اۋىل شارۋاشىلىعى ٶنٸمٸن ٶندٸرۋشٸلەر ٷشٸن ديزەل وتىنىنىڭ باعاسى ليترٸنە - 177 تەڭگە (جقس-دا ليترٸ - 195 تەڭگە) بولادى. بۇل نارىقتاعى باعادان 10 پايىز ارزان», - دەدٸ ول.
