كوللاج: Tengrinews.kz
Tengrinews.kz تٸلشٸسٸ سالتاناتتىڭ تۋىسقانى سامال نٷكەنوۆامەن سٶيلەستٸ. ولاردىڭ ەكەلەرٸ اعايىندى. سامال سٸڭٸلٸسٸنٸڭ دەنەسٸنەن كٶگەرگەن جەرلەرٸن بۇرىن دا بايقاعانىن جەنە وعان بۇرىنعى ۇلتتىق ەكونوميكا مينيسترٸ قۋاندىق بيشٸمباەۆپەن قارىم-قاتىناسىن ٷزۋگە كەڭەس بەرگەنٸن ايتتى.
"بٸر نەرسەنٸ ايتا الامىن: ول (بيشٸمباەۆ – ەسك.) - قۇبىجىق, جاۋىز. ادامدار بۇنداي قاتىگەز بولادى دەپ تٸپتٸ ويلاماپپىن. سالتاناتتىڭ دەنەسٸن العان كەزدە ونى كٶرگەندەردٸڭ بەرٸ شوشىپ كەتتٸ. ولاردىڭ تٷرٸن كٶرسەڭٸزدەر عوي", – دەيدٸ نٷكەنوۆا.
سامالدىڭ ايتۋىنشا, ول بىلتىر سٸڭٸلٸسٸنٸڭ ۇزاتۋىنا قاتىسقان, جەلتوقساندا استانادا توي ٶتكەن. بۇل رەتتە ولاردىڭ قارىم-قاتىناسىن كەرەمەت دەپ اتاۋعا بولمايدى, سامالدىڭ ايتۋىنشا, قۋاندىق ٷنەمٸ قول كٶتەرٸپ جٷرگەن.
"ول بٸرنەشە رەت قۇربىلارىنا ونىڭ تاراپىنان ۇرىپ-سوعۋ بولعانىنا شاعىمدانعان. بٸز دەنەسٸ كٶگەرٸپ جٷرگەنٸن ٶزٸمٸز كٶردٸك. قىركٷيەكتٸڭ اياعىندا وتباسىلىق ٸس-شارا ٶتكٸزدٸك. سالتانات كٷرتەشە كيٸپ كەلدٸ, ونىڭ ٸشٸندە قىسقا جەڭدٸ جەيدە بولدى. ول كٷرتەشەسٸن شەشكەندە, ونىڭ قولىندا كٶگەرگەن جەرلەردٸ كٶردٸك. نە بولدى دەپ سۇراعانىمىزدا تەز كٷرتەشەسٸن قايتا كيٸپ, ول ماسساجدان ەكەنٸن ايتتى... جالپى, ول (بيشٸمباەۆ – ەسك.) تيران ەكەنٸن ايتىپ, بٸرنەشە رەت ودان كەتپەك بولدى. سالتانات كٷيەۋٸ ونى ەشقايدا جٸبەرمەيتٸنٸن, ٷنەمٸ باقىلاپ جٷرگەنٸن ايتاتىن, تٸپتٸ كوفە ٸشۋ ٷشٸن بٸزبەن سەبەپسٸز كەزدەسە المايتىن. بٸز ونىڭ كەتۋٸن قولدايتىنبىز, بٸراق ول قايتارۋ ٷشٸن بەرٸن جاسايدى", - دەدٸ مارقۇمنىڭ تۋىسى.
سامالدىڭ ايتۋىنشا, سالتانات پەن كٷيەۋٸ قايعىلى وقيعا بولعان مەيرامحانادا بٸرنەشە رەت بولعان. قىز بۇل مەكەمەنٸڭ كٸمگە تيەسٸلٸ ەكەنٸن انىق بٸلمەيتٸنٸن, بٸراق "بيشٸمباەۆ وندا ٶزٸن قوجايىنداي سەزٸنەتٸنٸن" ايتادى.
"ول ٷنەمٸ بارىپ تۇراتىن. سالتانات ەكەۋٸ وسى مەيرامحانادا بٸرگە وتىرعان", - دەدٸ سامال.
سونداي-اق, نٷكەنوۆانىڭ ايتۋىنشا, بيشٸمباەۆتىڭ تۋىستارى جەرلەۋ رەسٸمٸنە قاتىسقان, بٸراق كەشٸرٸم سۇراماعان. الايدا ولاردىڭ وتباسى قۋاندىقتى كەشٸرۋگە نيەتتٸ ەمەس.
"يە, ولار جەرلەۋگە كەلدٸ. سالتاناتتىڭ اناسىمەن سٶيلەستٸم, ول كەشٸرٸم سۇراۋ بولماعانىن ايتتى. بٸراق بولعان كٷننٸڭ ٶزٸندە بٸز ولاردى قابىلدامايمىز. كٶپ نەرسەنٸ كەشٸرۋگە بولادى, بٸراق مۇندايدى ەمەس. ونىڭ ٷستٸنە ەشقانداي كەشٸرٸم تۋرالى ەڭگٸمە بولۋى مٷمكٸن ەمەس", - دەپ قوستى مارقۇمنىڭ ەپكەسٸ.
ەسكە سالا كەتەيٸك, 9 قاراشادا بۇرىنعى ۇلتتىق ەكونوميكا مينيسترٸ قۋاندىق بيشٸمباەۆتىڭ ەلورداداعى مەيرامحانالاردىڭ بٸرٸندە ەيەلٸن ۇرىپ ٶلتٸرگەنٸ تۋرالى تاراعان حابار قوعامدا رەزونانس تۋدىرعان ەدٸ.
استانا قالاسىنىڭ پوليتسييا دەپارتامەنتٸ سول كٷنٸ مەيرامحاناداعى جانجالدىڭ سالدارىنان العان دەنە جاراقاتتارىنان بٸر ەيەلدٸڭ قايتىس بولعانىن راستاعان. الايدا وقيعاعا قاتىستى قانداي دا بٸر اقپارات بەرگەن جوق: زارداپ شەگۋشٸنٸڭ اتىن اتاعان جوق.
كەيٸننەن ٸشكٸ ٸستەر مينيسترلٸگٸ استانا مەيرامحاناسىنداعى كٸسٸ ٶلٸمٸ بويىنشا قۋاندىق بيشٸمباەۆتىڭ ۇستالعانىن راستادى.
سونداي-اق بيشٸمباەۆقا قاتىستى 2 اي مەرزٸمگە قاماۋعا الۋ تۋرالى بۇلتارتپاۋ شاراسى تاعايىندالدى.
بۇدان بٶلەك ەكس-مينيستر ەيەلٸنٸڭ ٶلٸمٸن تەرگەۋ بارىسىندا وقيعا بولعان "Bau" مەيرامحاناسى ورنالاسقان گاسترو ورتالىق ديرەكتورى قىلمىستى جاسىردى دەگەن كٷدٸككە ٸلٸنٸپ, ۋاقىتشا ۇستاۋ يزولياتورىنا قامالعان بولاتىن.
