استانادا قۋاندىق بيشٸمباەۆتىڭ سوتى تۋرالى سيۋجەتتە القابيلەردٸ ەلگە كٶرسەتٸپ قويعان كتك ارناسىنىڭ جۋرناليستەرٸنٸڭ ٷستٸنەن ەكٸمشٸلٸك قۇقىق بۇزۋشىلىق تۋرالى ٸس قارالدى, دەپ حابارلايدى "ۇلت اقپارات" Stan.kz اقپارات اگەنتتٸگٸنە سٸلتەمە جاساپ.
سوت باسىنان باستاپ باق ٶكٸلدەرٸنە سوت ٷكٸمٸن شىعارعان كەزدە ولاردىڭ وبەكتيۆتٸلٸگٸنە ەسەر ەتپەۋٸ ٷشٸن القابيلەردٸ كٶرسەتۋگە رەسمي تٷردە تىيىم سالعان بولاتىن. الايدا كتك ارناسى سيۋجەت بارىسىندا القابيلەردٸ قاتار الىپ, بۇل ۆيدەو TikTok جەلٸسٸندە تاراپ كەتتٸ.
سالدارىنان قازاقستاندىقتار القابيلەردٸ كٶردٸ. وسىدان كەيٸن سوت باق قىزمەتكەرلەرٸن زالدان شىعارۋ تۋرالى شەشٸم قابىلدادى.
كەيٸن كتك قىزمەتكەرلەرٸنە قاتىستى ەكٸمشٸلٸك قۇقىق بۇزۋشىلىق تۋرالى كودەكستٸڭ 653-بابى (سوتتى قۇرمەتتەمەۋ) بويىنشا حاتتاما تولتىرىلىپ, ٷش ادام - كوررەسپوندەنت اننا ابراموۆا, وپەراتور ابىلحان سامبەتوۆ جەنە باس رەداكتور الەكساندر پودوينيكوۆ جاۋاپقا تارتىلدى.
العاشقى ەكەۋٸ كٸنەنٸ تولىق مويىندادى. ال ولاردىڭ جەتەكشٸسٸ كٸنەنٸ ٸشٸنارا مويىندادى. ٷشەۋٸنە دە 20 اەك ايىپپۇل سالىنىپ, 5 تەۋلٸك مەرزٸمگە ەكٸمشٸلٸك قاماۋعا الۋ تۋرالى جازا قولدانىلعان ەدٸ. الايدا سوت كەيٸن ەسكەرتۋمەن شەكتەلٸپ, ەشكٸمدٸ قاتتى جازالاماۋعا شەشٸم قابىلدادى.
جۋرناليستەر سوت قاۋلىلارىنا شاعىمدانۋعا قۇقىلى.
