ەڭبەك جەنە حالىقتى ەلەۋمەتتٸك قورعاۋ مينيسترٸ بٸرجان نۇرىمبەتوۆ 42500 تەڭگەلٸك ەلەۋمەتتٸك تٶلەمگە بايلانىستى ەل ٸشٸندە تۋىنداپ جاتقان سۇراقتارعا جاۋاپ بەردٸ, دەپ حابارلايدى "ۇلت اقپارات".
«42 500 تەڭگەلٸك تٶلەمنٸڭ ٶزٸ جايىندا تٷسٸندٸرە كەتەيٸن. 42500 تەڭگە اي سايىن ەرٸ بٸر رەت تٶلەنەدٸ. مەسەلەن, تٶتەنشە جاعداي رەجيمٸ تاعى بٸر ايعا (15 مامىرعا دەيٸن) ۇزارتىلسا, 42 500 تەڭگە تاعايىندالعان ادامدار ونى 15 سەۋٸردەن كەيٸن دە الا بەرەدٸ. سونىمەن قاتار سٸزگە قايتادان ٶتٸنٸش بەرۋدٸڭ قاجەتٸ جوق. بٸز تٶلەمدٸ اۆتوماتتى تٷردە ۇزارتامىز», - دەپ جازدى مينيستر Facebook پاراقشاسىندا.
مينيستردٸڭ تٷسٸندٸرۋٸنشە بۇل تٶلەم اي سايىن تولىق كٶلەمدە تٶلەنەدٸ. ياعني, مىسالى ەلەۋمەتتٸك تٶلەم 14 سەۋٸردە تاعايىندالسا (ياعني, تٶتەنشە جاعدايدىڭ بٸرٸنشٸ ايىنىڭ اياقتالۋىنا بٸر كٷن قالسا دا), وندا ول تٶلەم تولىق كٶلەمدە بەرٸلەدٸ.
«جەكە تابىس سالىعى, مٸندەتتٸ زەينەتاقى جارناسى جەنە باسقا اۋدارىمدار 42 500 تەڭگەدەن ۇستالمايدى. سونداي-اق بانكتەر مەن ۇيىمدارعا وسى سومادان قارىز ٶندٸرۋگە تىيىم سالىنادى (نەسيەلەر, كوممۋنالدىق تٶلەمدەر جەنە ت.ب. ٷشٸن). بجزق-داعى زەينەتاقى جارنالارىنا 42 500-دەن ۇستالماعانىنا قاراماستان, بۇل ايلار بولاشاقتا بازالىق جەنە بٸرلەسكەن زەينەتاقى تاعايىنداۋ كەزٸندەگٸ ەڭبەك ٶتٸلٸ رەتٸندە ەسكەرٸلەدٸ. ٶتٸنٸش بەرۋشٸ وسى ايلارداعى تابىستى ٶزٸنە ىڭعايلى كەز-كەلگەن ايلارمەن الماستىرا الادى. 42 500 تەڭگە تٶلەمٸ اتاۋلى ەلەۋمەتتٸك كٶمەك تاعايىنداۋ كەزٸندە كٸرٸستەرگە قوسىلمايدى», - دەيدٸ ول.
بٸرجان نۇرىمبەتوۆ سونىمەن قاتار زەينەتكەرلەر مەن مەملەكەتتٸك جەردەماقى الۋشىلار ٷشٸن تيٸستٸ تٶلەم اي سايىن جٷرگٸزٸلەتٸنٸن ەسكە سالدى.
«زەينەتاقى مەن مەملەكەتتٸك جەردەماقى اي سايىن تٶلەنەدٸ. ەرٸ قاراي ولارعا 1 سەۋٸردەن باستاپ مٶلشەرٸن يندەكساتسييالاۋ ارقىلى تولىق اقى تٶلەنەدٸ. ەلدە 4 ميلليوننان استام ادام جىلىنا 3,5 تريلليون تەڭگەنٸ قۇرايتىن زەينەتاقى مەن جەردەماقى الىپ وتىر. وسىلايشا اتالمىش سانات ٷشٸن 42 500 تەڭگە بەرٸلمەيدٸ. بٸراق ەگەر زەينەتكەر نەمەسە مٷگەدەك تٶتەنشە جاعداي جارييالاعانعا دەيٸن مەملەكەتتٸك جەردەماقى الىپ جٷرسە, ياعني 16 ناۋرىزعا دەيٸن ول رەسمي تٷردە جۇمىس ٸستەگەن بولسا (جۇمىسكەر, جەكە كەسٸپكەر نەمەسە بجت تٶلەۋشٸسٸ بولعان جاعدايدا), وندا ول 42 500 تەڭگەگە ٶتٸنٸش بٸلدٸرە الادى. ەيتسە دە ەگەر ول تٶتەنشە جاعدايدىڭ ەنگٸزٸلۋٸنە بايلانىستى وسى كٸرٸسٸن جوعالتقانىن كٶرسەتۋٸ تيٸس», - دەيدٸ مينيستر.
ال ەگەر زەينەتكەر نەمەسە مەملەكەتتٸك جەردەماقىنى الۋشى تٶتەنشە جاعداي الدىندا رەسمي تٷردە جۇمىس ٸستەمەسە, تٶتەنشە جاعداي جارييالانعاننان كەيٸن, ياعني 16 ناۋرىزدان كەيٸن ولارعا 42 500 تەڭگە بٶلٸنبەيدٸ. ولارعا بجت تٶلەپ, ٶتٸنٸش بەرۋ قاجەتٸ جوق.
«زاڭگەرلەر تٶتەنشە جاعدايعا دەيٸن رەسمي تٷردە جۇمىس ٸستەگەن زەينەتكەرلەرٸڭ كٸرٸسٸن جوعالتۋىنا بايلانىستى 42 500 تەڭگە الا المايتىندىعىن ەسكە سالىپ جاتىر. ٶيتكەنٸ زاڭ بويىنشا زەينەتكەرلەر مەملەكەتتٸك ەلەۋمەتتٸك ساقتاندىرۋ قورىنا (مەملەكەتتٸك ەلەۋمەتتٸك ساقتاندىرۋ قورى, وعان 42,500 تٶلەنەتٸن) ەلەۋمەتتٸك جارنالار تٶلەۋدەن بوساتىلادى. بٸز مۇنى بٸلەمٸز. بۇل مەسەلەنٸ تٷسٸندٸرە كەتەيٸن. ازامات بجت تٶلەگەن كەزدە ول سوما (2651 تەڭگە) تٶرت تٶلەمگە بٶلٸنەدٸ (جەكە تابىس سالىعى, بيۋدجەتكە تٶلەنەتٸن ەلەۋمەتتٸك اۋدارىمدار, بجزق-عا زەينەتاقى جارنالارى جەنە مەديتسينالىق ساقتاندىرۋعا). زاڭعا سەيكەس, زەينەتكەرلەر مەملەكەتتٸك ەلەۋمەتتٸك ساقتاندىرۋ قورىنا ەلەۋمەتتٸك جارنالاردى تٶلەۋدەن بوساتىلعاندىقتان (بجزق مەن ققاج تٶلەمدەرٸنەن دە), بجت-نىڭ بار سوماسى بيۋدجەتكە - جەكە تابىس سالىعى رەتٸندە تٷسەدٸ. بٸراق زەينەتكەرلەر ٷشٸن بٸز ەرەكشە ەلەۋمەتتٸك جاعداي جاساا, ولار تٶلەگەن بجت-نى ونىڭ رەسمي جۇمىسى رەتٸندە مويىندادىق», - دەيدٸ مينيستر.
