بۇرىنعى دەنساۋلىق ساقتاۋ مينيسترٸ ەلجان بٸرتانوۆ سوتتا تەرگەۋدٸڭ ٷيقاماقتا ۇستاۋ مەرزٸمٸن ۇزارتۋعا بايلانىستى ٶتٸنٸشٸن قاراۋ كەزٸندە ٶزٸن جەنە وتباسىن بٸرنەشە كٶلٸك اڭدىپ جٷرگەنٸن ايتتى. بٸرتانوۆ تەرگەۋ ۋاقىتتى اڭدۋعا ەمەس, ٸستٸ وبەكتيۆتٸ تەرگەۋگە جۇمساۋى كەرەك ەكەنٸن جەتكٸزدٸ, دەپ جازادى KAZ.NUR.KZ.
بٷگٸن نۇر-سۇلتان سوتى تەرگەۋدٸڭ ەلجان بٸرتانوۆقا قاتىستى ٷي قاماق مەرزٸمٸن ۇزارتۋ تۋرالى ٶتٸنٸشٸن ونلاين-قاراۋدى جالعاستىرۋدا.
كەشە, 5 مامىردا پروكۋرور قاماۋعا الۋ مەرزٸمٸن ۇزارتۋدى سۇراۋ كەزٸندە بٸرتانوۆتىڭ بۇعان دەيٸن قاماۋدا ۇستاۋ شارتىن بۇزعانىن مەلٸمدەگەن ەدٸ. مەسەلەن, ول تۋىستارىمەن جەنە كٶرشٸلەرٸمەن كەزدەسكەن.
ال بٸرتانوۆ بولسا شارتتى بۇزباعانىن, بۇعان دەيٸن سۋديا وعان باسقا ادامدارمەن كەزدەسۋگە رۇقسات بەرگەنٸن ايتتى.
"بۇلتارتپاۋ شاراسىنا قاتىستى - بارىپ تۇرعان ٶتٸرٸك. ٶتكەن سوت وتىرىسىندا سۋديا يساەۆا مەنٸڭ ٷيقاماق كەزٸندە باسقا ادامدارمەن كەزدەسۋگە قۇقىعىم بار ما دەگەن ساۋالعا ناقتى جاۋاپ بەردٸ. بٸراق مەنٸڭ بالالارمەن سەرۋەندەۋ كەزٸندە تۋىسىممەن كەزدەسۋٸم جەنە ازىق-تٷلٸك ساتىپ الۋعا بارعان كەزدە كٶرشٸممەن جەنە دوسىممەن كەزدەسۋ سۋديانىڭ ماعان بەرگەن رەجيمٸن بۇزۋ رەتٸندە قاراستىرىلۋدا.
سوندا سۋديانىڭ ەرەكەتٸن نەمەسە تەرگەۋ ورگاندارىنىڭ ەرەكەتٸن قالاي تٷسٸنۋگە بولادى? بۇل الدىن الا وينالعان ويىن بولدى ما ەلدە تەرگەۋ ورگانى جاي عانا بٸلٸكسٸزدٸك تانىتىپ, مەنٸ قۋدالاۋعا مٷددەلٸ مە?
مەن جۇمىسقا شىقتىم. سۋديا ماعان رۇقسات ەتكەن بارلىق نەرسەنٸ انىق تٷسٸندٸم - بۇل ۋاقىتتا ادامدارمەن كەزدەسٸپ, جۇمىس ٸستەپ, ٶزٸمە دە ەلٸمە دە پايدامدى تيگٸزۋٸمە بولادى. مەن بۇل تۇرعىدا ٶز قۇقىعىمدى ناقتى ساقتاپ وتىرمىن دەپ سانايمىن", - دەيدٸ ەلجان بٸرتانوۆ.
سونداي-اق, ەكس-مينيستر ٶزٸنٸڭ جەنە وتباسىنىڭ ٸزٸنە تٷسكەنٸن دە مەلٸمدەدٸ.
"تەرگەۋ اتالعان ٸستٸ تولىق ەرٸ جان-جاقتى تەرگەۋدٸڭ ورنىنا اقشا مەن ۋاقىتتى مەنٸ اڭدۋعا جۇمساپ وتىر. قارا پيار. كٷندەلٸكتٸ ٷش كٶلٸك بالالارىم مەن جۇبايىمدى دٷكەندەر مەن جۇمىستىڭ اينالاسىندا اڭدىپ جٷرەدٸ. مەن ولاردىڭ نٶمٸرٸن بەرۋگە دە دايىنمىن.
مەن مۇنىڭ نە ٷشٸن قاجەت ەكەنٸن بٸلمەيمٸن. بۇعان سوت رۇقسات ەتكەن بولۋى مٷمكٸن. بٸراق بۇعان كەتكەن ۋاقىتتى ٸستٸ تولىققاندى اشۋعا جۇمساۋ كەرەك دەپ ويلايمىن", - دەيدٸ ول.
سونداي-اق بٸرتانوۆ پەن ونىڭ قورعاۋشىلارى دەنساۋلىق ساقتاۋ مينيسترلٸگٸنە ارنالعان اقپاراتتىق پلاتفورما, تەرگەۋ نۇسقاسىندا كٶرسەتٸلگەندەي "ٸسكە جارامسىز" كٷيدە ەمەستٸگٸن العا تارتتى. بٸرتانوۆ دەل وسى پلاتفورمانىڭ ٸسكە قوسىلۋىن جٷزەگە اسىرۋ كەزٸندە اقشا جىمقىردى دەپ كٷدٸكتەلٸپ وتىر.
