3 سەۋٸردە دەنساۋلىق ساقتاۋ مينيسترٸ ەلجان بٸرتانوۆ قازاقستاندا بٸر ناۋقاستىڭ جاعدايى - ٶتە اۋىر, جان ساقتاۋ بٶلٸمٸندە جاتىر دەپ مەلٸمدەدٸ.
"قازٸرگٸ كەزدە 11 ناۋقاستىڭ جاعدايى - اۋىر, بٸرەۋٸنٸڭ جاعدايى - ٶتە اۋىر. 68 ادامنىڭ حالٸ ورتاشا اۋىر. 341 ادامنىڭ جاعدايى جاقسى, اۋرۋ بەلگٸلەرٸ بايقالىپ وتىرعان جوق" دەدٸ بٸرتانوۆ.
ونىڭ ايتۋىنشا, قازاقستان بويىنشا 28 مەديتسينالىق قىزمەتكەرگە كوروناۆيرۋس جۇققان. ەپيدەميولوگييالىق زەرتتەۋلەر باستالعان.
قازاقستاندا سوڭعى دەرەك بويىنشا بارلىعى 453 ادامنان كوروناۆيرۋس تابىلعان. 29 ادام جازىلعان. ٷش ادام قايتىس بولعان.
كوروناۆيرۋس جۇقتىرعان ادامدارمەن بايلانىستى بولعان 13 467 ادام انىقتالعان.
"ولاردىڭ 442-سٸ كەتٸپ قالعان. قالعان 13 025 ادام تابىلىپ, وقشاۋلانعان. 4340 ادام ستاتسيونارلىق كارانتيندە جاتىر. 8381 ادام ٷي كارانتينٸندە. وسى باعىتتا جۇمىس جالعاسىپ جاتىر" دەدٸ بٸرتانوۆ.
ونىڭ ايتۋىنشا, الماتى مەن نۇر-سۇلتاندا ەنگٸزٸلگەن قاتاڭ كارانتيندٸك شارالاردىڭ ارقاسىندا كوروناۆيرۋستىڭ تارالۋ دەڭگەيٸ تۇراقتانعان. ۆيرۋس جۇقتىرعاندار سانى كٷنٸنە 30 پايىزدان اسپايدى.
بٸرتانوۆ قازٸر اۋدان مەن اۋىلداردا ۆيرۋس تارالىپ جاتقاندىقتان شالعاي ەلدٸ مەكەندەردە دە كارانتيندٸك شارالاردى كٷشەيتۋ قاجەتتٸگٸن ايتتى. ونىڭ ايتۋىنشا, كەيبٸر ەلدٸ مەكەندەردە "كوروناۆيرۋس بٸزگە كەلمەيدٸ دەپ ويلايتىن" ادامدار بار.
