دەنساۋلىق ساقتاۋ مينيسترٸ ەلجان بٸرتانوۆ زاڭنامالىق تۇرعىدا ەلەكتروندى سيگارەتتەردٸ تەمەكٸلەرگە تەڭەستٸرۋدٸ كٶزدەپ وتىر, دەپ حابارلايدى "ۇلت اقپارات".
«بۇل مەسەلەنٸ قۇقىقتىق بازا اياسىندا شەشۋ ٷشٸن زاڭناماعا بٸرقاتار ٶزگەرٸس ەنگٸزۋدٸ جوسپارلاپ وتىرمىز. ياعني, ەلەكتروندى سيگارەتتەردٸ, ۆەيپينگتەردٸ دەستٷرلٸ تەمەكٸلەرگە تەڭەستٸرۋ كەرەك. بٸزدە دەستٷرلٸ تەمەكٸگە دەگەن تالاپ قاتال. مەيرامحانادا, قوعامدىق ورىنداردا تەمەكٸ شەگۋگە بولمايدى. الايدا بۇل جەردە مەسەلە زاڭنامالىق تٷردە رەتتەلمەگەن جاڭا ٶنٸمدەردە بولىپ تۇر. كٷنٸ ەرتەڭ مەن پارلامەنتتە زاڭناماعا ەنگٸزٸلەتٸن جاڭا ٶزگەرٸستەردٸ تانىستىرامىن. ول بويىنشا جوعارىدا اتالعان ٶنٸمدەر قاتاڭ رەتتەلەتٸن بولادى», - دەدٸ ەلجان بٸرتانوۆ ەلوردادا ٶتٸپ جاتقان ونكولوگيياداعى دٷنيەجٷزٸلٸك كٶشباسشىلار سامميتٸندە تٸلشٸلەردٸڭ سۇراعىنا جاۋاپ بەرە وتىرىپ.
ەسكە سالا كەتسەك, ەلوردادا كەشە ونكولوگيياداعى دٷنيەجٷزٸلٸك كٶشباسشىلار سامميتٸ باستالعان ەدٸ. فورۋم جۇمىسىنا حالىقارالىق وبىرعا قارسى وداق (UICC) پرەزيدەنتٸ, جوعارى مەرتەبەلٸ حانشايىم دينا مايرەد, قازاقستان دەنساۋلىق ساقتاۋ مينيسترٸ ەلجان بٸرتانوۆ قاتىسۋدا.
